كەڭەستە ءبىلىم بەرۋدى تسيفرلاندىرۋ, اقپاراتتىق-كوممۋنيكاتيۆتىك تەحنولوگيالار, ەلەكتروندى وقۋلىقتار, كوپمادەنيەتتى ورتانى قالىپتاستىرۋ, داستۇرلەر مەن يننوۆاتسيالاردى سينتەزدەۋ جايىندا ءسوز قوزعالدى.
– مەملەكەت باسشىسى قاسىم-جومارت توقاەۆتىڭ سايلاۋالدى باعدارلاماسىنداعى تاپسىرماسىنا وراي, وقۋ قۇرالدارىن تسيفرلىق فورماتقا كوشىرىپ, ءبىلىم بەرۋدىڭ يننوۆاتسيالىق جولدارىن قاراستىرۋ مىندەتتەلدى. بۇل – وتە ماڭىزدى قادام. ول ءبىلىم بەرۋ ساپاسىن جاقسارتۋعا باعىتتالعان. وسى رەتتە قالا مەن اۋىلداعى ورتا ءبىلىم الشاقتىعىن قىسقارتۋ ماقساتى تۇر. سونىمەن بىرگە پەداگوگتەردىڭ تسيفرلىق ءبىلىمدى وقۋ بارىسىندا قولدانۋ ءۇشىن بىلىكتىلىكتەرىن ارتتىرۋ كوزدەلىپ وتىر. ول ءبىرىنشى كەزەكتە بالالاردىڭ زەيىنىن اشۋ, بىلىمگە دەگەن قۇشتارلىعىن وياتۋ ءۇشىن قاجەت. وسىلايشا, ەلىمىزدە ادام كاپيتالى داميدى. سونداي-اق تاپسىرما بويىنشا بالاباقشالارعا بىرىڭعاي كەزەك پلاتفورماسىن ەنگىزۋ جوسپاردا بار. سونىڭ كومەگىمەن اشىقتىق پايدا بولىپ, جەمقورلىقتىڭ جولى كەسىلەدى. ءارى اتا-انا الدىندا ءتورت بالاباقشانى ءوز ىڭعايىنا قاراي تاڭداۋعا مۇمكىندىك تۋادى. كەزەك سانى, جاعدايى مەن بوس ورنى بار بالاباقشالاردىڭ ءتىزىمى جاساقتالادى. بۇدان بولەك, وقۋشىلاردى وقۋ قۇرالدارىنا قول جەتكىزۋ, مەكتەپكە كىرۋ جانە اسحانادان تولەم جاساۋ ءۇشىن بىرىڭعاي كارتامەن قامتاماسىز ەتۋ جۇمىستارى جالعاسىپ جاتىر. مۇنى بارلىق مەكتەپكە ەنگىزۋ قاجەت. مۇنداي تاجىريبە قازىردىڭ وزىندە استانادا بار. شىمكەنت شاھارىندا دا ءساتتى جۇزەگە اسىپ كەلەدى. بۇل ءوز كەزەگىندە بالالار تاماعىنا بولىنەتىن بيۋدجەت قارجىسىن ۇنەمدەۋگە, اتا-انالارعا ۇل-قىزدارىنىڭ قاي جەردە جۇرگەنىنەن حاباردار بولىپ وتىرۋعا كومەكتەسەدى. وسى باستامالاردىڭ بارلىعى جەرگىلىكتى اتقارۋشى ورگاندارمەن جانە پلاتفورما جاساۋشى كومپانيالارمەن بىرلەسىپ ىسكە اسىرىلىپ جاتىر, – دەدى ايبات ءىلياسوۆ.
مينيسترلىك وكىلىنىڭ ايتۋىنشا, ءاربىر جەرگىلىكتى اتقارۋشى بيلىك كونكۋرستىق نەگىزدە تسيفرلىق پلاتفورما ۇسىنۋشى كومپانيالاردىڭ سەرۆيستىك قىزمەتىن ساتىپ الادى. ال ەل ىشىندە ءىت كومپانيالار وتە كوپ. مۇنىڭ ءوزى ءىت ونىمدەر نارىعىنىڭ رەسپۋبليكادا جوعارى قارقىنمەن دامىپ جاتقانىن كورسەتەدى. ءوز كەزەگىندە بۇل ورتادا باسەكەلەستىك تۋدىرىپ, مەكتەپتەردىڭ ساپالى تسيفرلىق پلاتفورمالاردى ساتىپ الۋعا مۇمكىندىك بەرەدى.
ا.ءىلياسوۆ جەرگىلىكتى اكىمدىكتەرمەن بىرلەسىپ ينتەرنەت ماسەلەسىن دە شەشىپ جاتقانىن مالىمدەدى. ەل بويىنشا 7 600 مەكتەپ ساپالى ينتەرنەتكە قوسىلعان. شىلدە ايىندا ءبىلىم وشاقتارىنداعى ينتەرنەت جىلدامدىعى ءالسىز بولىپ, ول تامىزدا ءوز شەشىمىن تاپقان. 2024 جىلى رەسپۋبليكاداعى ءبىلىم ۇيالارىندا تەحنيكالىق مۇمكىندىك 80%-عا جاقسارادى. ال قالا مەن اۋىلدارداعى مەكتەپتەردىڭ ايىرماشىلىعىن ازايتۋ ماقساتىندا وسى جىلى اقتوبە وبلىسىندا قاناتقاقتى جوبانى باستاۋ كوزدەلىپ وتىر. ول شاعىن جيناقتى مەكتەپتەردى جاڭعىرتۋعا باعىتتالعان. وسىعان بايلانىستى 134 مەكتەپ تاڭدالعان. ولاردىڭ بارلىعى كومپيۋتەرلىك تەحنيكامەن قامتاماسىز ەتىلەدى. بۇگىنگى تاڭدا پەداگوگتەر مەن مەكتەپ اكىمشىلىكتەرى يننوۆاتسيالىق جولمەن ءبىلىم بەرۋ مەن تسيفرلىق مۇمكىندىكتەردى پايدالانۋ بويىنشا ارنايى كۋرستان وتكەن. سونىمەن بىرگە ەلەكتروندى وقۋلىقتارعا تەگىن قولجەتىمدىلىك بولادى. بۇل تاجىريبە كەيىن رەسپۋبليكا كولەمىندە بۇكىل مەكتەپكە تاراتىلادى. ياعني كومپيۋتەرمەن جابدىقتالۋ, مۇعالىمدەردىڭ بىلىكتىلىگىن ارتتىرۋ وڭىرلەردەگى ءبىلىم وشاقتارىندا كەزەڭ-كەزەڭمەن جۇزەگە اسىرىلادى. ايتا كەتۋ كەرەك, شىمكەنت قالاسى مەكتەپتەردى تسيفرلاندىرۋ جانە مۇعالىمدەردىڭ تسيفرلىق الەۋەتىن ارتتىرۋ ۇدەرىسى بويىنشا وڭىرلەر اراسىندا ۇزدىك ۇشتىككە ەندى.
شىمكەنت
