سۋرەتتى تۇسىرگەن اۆتور
بايقاۋدى ۇيىمداستىرۋداعى ماقسات – ۇلت ۇياسى اتانعان ۇلىتاۋ وڭىرىندەگى تاريحي-كيەلى ورىندار مەن ەسىمدەرى ەل اراسىنا كەڭ تاراعان تاريحي تۇلعالاردى ولەڭ جانە سۋرەت تىلىمەن دارىپتەپ, ناسيحاتتاۋ. سونداي-اق تامىرى ءبىر, تاعدىرى ۇقساس ءسوز بەن سۋرەت ونەرىنىڭ اراسىنداعى عاجايىپ ۇندەستىكتىڭ سىرىنا وي جۇگىرتۋ, وقىرمان مەن كورەرمەننىڭ تالعام كوكجيەگىن كەڭەيتە تۇسۋگە ىقپال ەتۋ.
بايقاۋدىڭ قورىتىندىسىندا قازىلار القاسى 6 اقىننىڭ جانە 6 سۋرەتشىنىڭ ەڭبەكتەرىن لايىقتى سانادى.
اقىندار – اسكەرحان احتاي, اسەل وسپان, داۋرەنبەك بۇلانباەۆ, فايزوللا ءتولتاي, تولەگەن مەللات, سۋرەتشىلەر – ادىلعالي باياندين, جانات سەيتحاميت, باقىت زەردە, قارلىعاش قانسەيىت, ارداق اكىمبەكتىڭ ارقايسىسىنا – 500 مىڭ تەڭگەدەن سىياقى بەرىلدى.
« ۇلىتاۋ تاۋىڭ – اڭىز, تاسىڭ – ابىز» ولەڭى ءۇشىن اقىن ۇمتىل زارىققان, « ۇلىتاۋ. ۇلتتىڭ جاراتىلۋى» اتتى تۋىندىسى ءۇشىن سۋرەتشى داۋرەنبەك بەكنازاروۆ بايقاۋدىڭ باس جۇلدەسىن جەڭىپ الدى. ولاردىڭ اربىرىنە 1 ملن تەڭگە سىياقى بەرىلدى.
– بۇل بايقاۋ وبلىستا رەسپۋبليكالىق دەڭگەيدە العاش رەت وتكىزىلدى. ۇلىتاۋ – سوزبەن ورنەكتەسە دە, سۋرەتپەن ارلەسە دە ەشقاشان تاۋسىلمايتىن ماڭگىلىك تاقىرىپ. سوندىقتان بايقاۋ الداعى ۋاقىتتا داستۇرگە اينالاتىن بولادى. ال بيىلعى بايقاۋعا ۇسىنىلعان بارلىق سۋرەت, كارتينالار وبلىستىق مادەنيەت, تىلدەردى دامىتۋ جانە ارحيۆ ءىسى باسقارماسىنا قاراستى مۋزەيدىڭ كورمە زالىنا تابىس ەتىلدى. الداعى ۋاقىتتا اتالعان جوبا بويىنشا ەكى كىتاپ شىعاراتىن بولامىز, – دەيدى ۇلىتاۋ وبلىستىق مادەنيەت, تىلدەردى دامىتۋ جانە ارحيۆ ءىسى باسقارماسىنىڭ باسشىسى ءانۋار ومار.
ۇلىتاۋ وبلىسى
