بۇگىن ءبىز قىتاي تاتاميىندە ونەر كورسەتەتىن دزيۋدوشىلاردى تانىستىرامىز. ەلىمىزدىڭ ەرلەر قۇراماسىنىڭ باس باپكەرى نۇربول سۇلەيمەنوۆ قىتايداعى وسى جىلدىڭ باستى دوداسىندا مىنا بالۋاندارعا سەنىم ارتپاق: ەرەسەكتەر اراسىنداعى الەم چەمپيونى, جۋىردا عانا ەلىمىزدە وتكەن «Grand Slam» دوداسىنىڭ جەڭىمپازى, «Grand Prix» ءتۋرنيرىنىڭ ۇزدىگى ماعجان شامشادين (60 كگ), 2021 جىلعى الەم چەمپيوناتىنىڭ كۇمىس جۇلدەگەرى, ەكى دۇركىن ازيا بىرىنشىلىگىنىڭ قولا جۇلدەگەرى, «Grand Slam» جانە «Grand Prix» دودالارىنىڭ جەڭىمپازى عۇسمان قىرعىزباەۆ (66 كگ).
سونىمەن قاتار ازيا چەمپيونى دانيار شامشاەۆ (73 كگ), حالىقارالىق جارىستاردىڭ جۇلدەگەرى ابىلايحان جۇبانازار (81 كگ), 2018 جىلعى ازيا ويىندارىنىڭ جەڭىمپازى ديدار حامزا (90 كگ), بىلتىرعى ازيا چەمپيوناتىنىڭ قولا جۇلدەگەرى نۇرلىحان شارحان (100 كگ) جانە بيىلعى «قازاقستان بارىسى» دوداسىنىڭ جەڭىمپازى عالىمجان قىرىقباي (+100 كگ) قىتايدا بەلدەسەدى.
