فوتو: ۇكىمەتتىڭ ءباسپاسوز قىزمەتى
ەنەرگەتيكا ۆيتسە-ءمينيسترى ەرلان اقكەنجەنوۆ مينيسترلىكتىڭ ينۆەستيتسيا تارتۋ جانە ءوزى جەتەكشىلىك ەتەتىن ينۆەستيتسيالىق جوبالاردى جۇزەگە اسىرۋ بويىنشا اتقارىپ جاتقان جۇمىستارى تۋرالى ايتىپ بەردى. ماسەلەن, وتكەن جىلى مينيسترلىك 2026 جىلعا قاراي وتىن-ەنەرگەتيكا كەشەنىنە نەگىزگى كاپيتالعا ينۆەستيتسيا كولەمىن 2 ەسە (9 414 ملرد تەڭگە) ارتتىرۋ مىندەتىن قويدى. بيىلعى جەتى ايدا بۇل سالاعا قۇيىلعان ينۆەستيتسيا كولەمى جوسپارلانعان 2 606 ملرد تەڭگەنىڭ ورنىنا 2 615 ملرد تەڭگەنى قۇرادى.
سونىمەن قاتار ينۆەستيتسيالىق جوبالاردىڭ جالپىۇلتتىق پۋلى اياسىندا 5 جىل ىشىندە ەنەرگەتيكا سالاسىندا 66 جوبانى ىسكە اسىرۋ كوزدەلگەن, ولاردىڭ ىشىندە 2023 جىلى 2 600 ملرد تەڭگە سوماسىنا 22 جوبا ىسكە اسىرىلاتىن بولادى. بۇل رەتتە 2026 جىلعا قاراي 14 759 ملرد تەڭگە سوماسىنا ينۆەستيتسيالار تارتۋ جوسپارلانىپ وتىر.
«KAZAKH INVEST» ۇك» اق باسقارما توراعاسى مەيىرجان يۋسۋپوۆ قازىرگى ۋاقىتتا KAZAKH INVEST جانە احقو نەگىزىندە قۇرىلعان Task Force بولىمشەسىنىڭ ستراتەگيالىق ينۆەستيتسيالىق جوبالارىنىڭ جالپى قۇنى $13 ملرد-تان اساتىن 70 جوبانى قۇرايتىنىن ايتتى. قر ءسىم جوسپارلارى بويىنشا وسى جىلدىڭ سوڭىنا دەيىن ءتورت ينۆەستيتسيالىق كەلىسىمگە قول قويۋ جوسپارلانىپ وتىر. قازىرگى ۋاقىتتا ەكى كەلىسىم جاسالدى.
«بۇگىنگى تاڭدا ەكونوميكانىڭ ءتۇرلى سالالارىندا, سونىڭ ىشىندە وڭدەۋ ونەركاسىبىندە ينۆەستيتسيالىق كەلىسىمدەر جاساۋعا رەسمي تۇردە 6 ءوتىنىم بەرىلدى. بۇل جوبالار بويىنشا قۇجاتتاردىڭ تولىق پاكەتى ۇسىنىلدى. تاعى 17 جوبا – وتىنىمدەر مەن كەلىسىمدەردى ازىرلەۋ ساتىسىندا. ءبىز بۇل جوبالاردى قولداۋ بويىنشا جۇمىستى جالعاستىرامىز», دەپ تۇيىندەدى ءسوزىن مەيىرجان يۋسۋپوۆ.
وتىرىستى قورىتىندىلاي كەلە, قر پرەمەر-ءمينيسترىنىڭ ءبىرىنشى ورىنباسارى رومان سكليار ۋاكىلەتتى ورگاندارعا ناقتى تاپسىرمالار بەرىپ, سونداي-اق ينۆەستيتسيالىق جوبالاردى ىسكە اسىرۋدىڭ ماڭىزىن جانە ينۆەستيتسيا تارتۋ بويىنشا جۇمىستى كۇشەيتۋ قاجەتتىگىن اتاپ ءوتتى.
