جاڭا وقۋ جىلى جاڭا عيماراتتان باستالدى

كەڭەس وداعىنىڭ باتى­رى اح­مەديار قۇسايىنوۆ اتىن­دا­عى ءبىلىم ورداسىنىڭ كونە عي­ما­راتى ابدەن ەسكىرىپ, اپاتتى دەپ تانىلعان ەدى. شا­عىن اۋىل بولسا دا شارۋاسى شاشىراماي, ىرگەسى بەرىك تۇر­عان ەلدى مەكەنگە جاڭا مەكتەپ عيماراتىن سالۋدى اۋدان, وبلىس باسشىلارى دا, دەپۋتاتتار دا قولدادى. ءتىپتى بۇل باستاما «Amanat» پارتياسىنىڭ سايلاۋالدى باعدارلاماسىنا ەنىپ, ءتيىستى قاراجات ءبولىندى. ءسويتىپ 2021 جىلى 108 وقۋشىعا ارنالعان جاڭا مەكتەپتىڭ قۇ­رى­لىسى باستالعان. مىنە, جۇلدىز اۋىلىنىڭ تۇرعىن­دارىن شەكسىز قۋانىشقا بولەگەن كۇن دە جەتتى. 2023 جىلدىڭ جاڭا وقۋ جىلىن باتىر اتىنداعى مەكتەپ وقۋشىلارى جاڭا عيماراتتا قارسى الاتىن بولدى.

23 تامىزدا اۋىل ءۇشىن ماڭىزى زور نىساننىڭ اشىلۋ سالتاناتىنا باتىس قازاقستان وبلىسىنىڭ اكىمى ناريمان تورەعاليەۆ, وب­لىستىق ءماسليحات توراعاسى مۇ­رات مۇقاەۆ, وبلىستىق ءبىلىم باسقارماسىنىڭ باسشىسى اي­گۇل مىڭباەۆا, قازتالوۆ اۋدانى­نىڭ اكىمى اسلانبەك سارقۇلوۆ, ءماسليحات دەپۋتاتتارى ارنايى قاتىستى. ءوڭىر باسشىسى اۋىل تۇرعىندارىن, مەكتەپ ۇجىمىن جانە وقۋشىلاردى قۋانىشتى وقي­عامەن قۇتتىقتاپ, مەكتەپ ۇجى­مىنا تەلەديدار سىيعا تارتتى. وبلىس اكىمى ءوز سوزىندە مەملەكەت باسشىسى قاسىم-جومارت توقاەۆتىڭ ء«ۇش اۋىسىمدى جانە اپاتتى مەكتەپتەردىڭ سانىن ازايتۋ كەرەك» دەگەن تاپسىرماسىنا سايكەس وڭىردە جۇيەلى جۇمىس اتقارىلىپ جاتقانىن ايتىپ ءوتتى.

شىنىن ايتساق, وڭىردە قول­­­عا الىنعان مەكتەپ قۇ­رى­­لىستا­رىنىڭ كەلىسىلگەن ۋا­قى­­تىندا اياق­تالماي, كەستە­دەن كەشىگىپ قالۋ وقيعاسى جيى­لەپ كەتتى. جۇل­دىز مەكتە­بىنىڭ قۇرىلىسى دا 2021 جىلى باستالعانىمەن, 8 اي­عا جوسپارلانعان قۇرىلىس 2 جىل­عا سوزىلىپ, بىتپەي تۇر­عان بولاتىن. جۇلدىز مەكتەبى­نىڭ قۇرىلىسىن اۋەلدە «الاۋقۇرى­لىس» جشس باستاپ, اياقسىز قال­دىردى. ن.تورەعاليەۆ وبلىس تىزگىنىن ۇستاعالى بەرى بۇل ماسە­لەنى جەكە باقىلاۋىنا الدى. ءسويتىپ وڭىردە وسى سالادا تاجى­ري­بەسى مول «التاير» جشس مەك­تەپ قۇرىلىسىن تولىعىمەن ساپا­لى تۇردە اياقتاپ شىقتى. وبلىس اكىمىنىڭ قاداعالاۋىمەن وڭىردە «ساقالدى قۇرىلىسقا» اينالعان بىرنەشە نىسانعا جان ءبىتتى.

– جۇلدىز اۋىلىندا 40 جىل­دان استام ۋاقىت تۇرىپ جاتىرمىز. ەڭبەك ءوتىلىم دە باتىر اتىن­داعى مەكتەپ قابىرعاسىندا ءوتتى. اۋىلىمىزدا جاڭا مەكتەپ سالۋ ماسەلەسى كوپتەن بەرى ايتىلىپ جۇرگەن ەدى. ەندى مىنە, بۇگىن جاڭا عيماراتقا كىرىپ, قۋانىپ جاتىرمىز. وسى ماسەلەنىڭ وڭ­تاي­لى شەشىلۋىنە اتسالىسقان ازا­ماتتارعا, قۇرىلىسشىلارعا ال­عى­سىمىز شەكسىز. مەكتەپ قۇ­رى­لىسى جاقسى جانە ساپالى جۇر­­­گىزىلدى دەپ نىق سەنىممەن اي­تا الامىن, – دەيدى جۇلدىز اۋى­لى­نىڭ سىيلى اقساقالى وتەپ تو­لەۋوۆ ريزاشىلىعىن ءبىلدىرىپ.

جاڭا مەكتەپتىڭ اشىلۋ سالتاناتىنا اۋىلدىڭ ۇلكەن-كىشىسى تۇگەل جينالعانى ايتپاسا دا تۇسىنىكتى عوي. سالتاناتتى شارادا «قىز جىبەك» جاس تەرمەشىلەر ءانسامبلى ونەر كورسەتىپ, ۇلكەن­دەردىڭ باتاسىن الدى. قۇرىلىس جۇمىسىن جۇرگىزگەن مەردىگەر «التاير» جشس ديرەكتورى نۇرلان قۋانعاليەۆ جاڭا نىسان­نىڭ اشىلۋىمەن اۋىلداستاردى قۇتتىقتاپ, مەكتەپ ديرەكتورىنا مەكتەپتىڭ سيمۆولدى كىلتىن تابىس ەتتى.

وسى مەكتەپتى 1984 جىلى بى­تىر­گەن تۇلەكتەر اتىنان ءسوز العان باتىس قازاقستان وبلىستىق «Aqjaiyq» تەلەارناسىنىڭ ءتىل­شىسى اقبولات مۇستاجاپ ۇلى اۋىل­داستارىن جاڭا وقۋ جىلىمەن قۇتتىقتاپ, مەكتەپ وقۋشى­لارىنا سپورتتىق كيىمدەر مەن قۇرالدار تارتۋ ەتتى.

سارىوزەننىڭ بويىندا قو­نىس تەپكەن جۇلدىز اۋىلى – بو­­لا­شاعى بار ەلدى مەكەندەر قا­تا­­رىندا. ورتا مەكتەپ پەن ونىڭ جانىنداعى شاعىن ورتا­لىق­­تا 130 بالا ءبىلىم الىپ, تار­بيە­­لەنۋدە. اۋىلدىڭ دامۋىن, بو­لاشاعىن دالەلدەيتىن ءبىر كورسەت­كىش قۇرىلىس قوي. كەيىنگى ءۇش جىلدا اۋىلدا ونشاقتى زا­ما­­ناۋي ءۇي جاڭادان سالىنىپتى. ەندى مىنە, سۋ جاڭا مەكتەپ عي­م­ا­­­را­تى اۋىلدىڭ اجارىن اشا ءتۇستى.

بۇدان كەيىن وبلىس اكىمى ن.تورەعاليەۆ قازتالوۆ اۋدانى ورتالىعىنداعى 600 بالاعا ارنالعان الما ورازباەۆا اتىن­داعى جالپى ورتا ءبىلىم بەرەتىن مەكتەپتىڭ قۇرىلىسىمەن دە تا­­نىستى. بۇل مەكتەپتىڭ دە قۇ­رى­لىس جۇمىسى ءتۇرلى سەبەپپەن بىرنەشە جىلعا سوزىلىپ كەلەدى. قۇرىلىسقا جاۋاپتى مەر­دىگەر «جيەنباي» جشس-نىڭ ديرەكتورى الەكساندر قا­راعويشيننىڭ ايتۋىنشا, بيىل­عى وقۋ جىلى­نىڭ ەكىن­شى توق­سانىنان باستاپ وقۋشىلار جاڭا مەكتەپتە وقي­دى. ناريمان تورەعالي ۇلى مەر­دىگەر مەكەمەنىڭ باسشىسىنا قۇرىلىس جۇمىسىن ۋادەلى مەر­زىمدە اياق­تاۋدى تاپسىردى.

– اۋدان ورتالىعىنداعى مەكتەپ قۇرىلىسى ءبىلىم كۇنى – 1 قىركۇيەكتە اياقتالمايتىنى انىق. ءبىز قازىر قۇرىلىسشىلارعا ەكى اي مۇرسات بەرىپ وتىرمىز. 1 قاراشاعا دەيىن بارلىق جۇمىس ءتيىستى دەڭگەيدە اتقارىلۋى كەرەك. مەردىگەر «جيەنباي» جشس-نىڭ باسشىلىعىنا مەكتەپ قۇرىلىسىن ساپالى جۇرگىزۋدى تاپسىرامىن. بۇل نىسان مەنىڭ جەكە باقىلاۋىمدا بولادى, – دەدى ن.تورەعاليەۆ.

«قازتالوۆ اۋدانىندا قازىرگى 20 ورتا, 8 نەگىزگى جانە 7 باستاۋىش مەكتەپ جۇمىس ىستەپ تۇر. وسىنداعى 427 سىنىپ-كەشەندە 5 216 وقۋشى ءبىلىم الادى. 1 250 بالدىرعان 15 مەملەكەتتىك جانە ءبىر جەكەمەنشىك بالاباقشادا تاربيەلەنۋدە. 1 837 بالانى قامتىپ وتىرعان 4 قوسىمشا ءبىلىم بەرۋ ۇيىمى تاعى بار. بارلىق مەكتەپ تەلەفون بايلانىسىمەن جانە ينتەرنەتپەن قامتىلعان. سونىمەن قاتار 22 مەكتەپ جانىندا 351 وقۋشىنى قامتىعان شاعىن, ورتا­لىقتار جۇمىس ىستەيدى», دەيدى قاز­تالوۆ اۋدانىنىڭ اكىمى اس­لانبەك سارقۇلوۆ.

باتىس قازاقستان وبلىسى