فوتو: وقۋ-اعارتۋ مينيسترلىگى. ينستاگرام
ارداگەرلەر كەڭەسى قۇرامىنا ءبىلىم بەرۋ سالاسىندا بەدەلى جوعارى قۇرمەتتى قىزمەتكەرلەر, قوعام جانە مەملەكەت قايراتكەرلەرى جانە تاعى باسقالار ەنگەن. اتالعان كەڭەس ءبىلىم بەرۋ سالاسىنداعى مەملەكەتتىك ساياساتتى جاڭعىرتۋ مەن دامىتۋ جونىندەگى كەشەندى شەشىمدەردى قابىلداۋ ماقساتىندا قۇرىلعان.
ءبىلىم بەرۋ سالاسىنا ەڭبەگى سىڭگەن قىزمەتكەر, قوعام جانە مەملەكەت قايراتكەرى جاقسىبەك كۇلەكەەۆ اشىق داۋىس بەرۋ ءادىسى ارقىلى كەڭەس توراعاسى بولىپ سايلاندى.
«كەڭەس قۇرامىن دانا ۇستازداردىڭ قاتارىمەن تولىقتىرۋ ءبىلىم بەرۋ جۇيەسىنىڭ ساپاسىن ارتتىرۋعا كومەكتەسەدى. ءبىز كوپجىلدىق تاجىريبەسى بار ارىپتەستەرىمىزدىڭ كاسىبي كومەگىنە سەنىم ارتامىز. بىرلەسكەن كۇش-جىگەرىمىزبەن بالالارىمىز ءۇشىن بارىنشا جاقسى جاعداي جاسالادى دەپ سەنەمىن», دەدى وقۋ-اعارتۋ ءمينيسترى عاني بەيسەمباەۆ.
