2013 جىلدان باستاپ تەحنيكالىق رەگلامەنت العاش رەت قولدانىسقا ەنگىزىلگەن كەزدە ونى قولدانۋ پراكتيكاسى ءسۇت ونىمدەرىن وندىرۋشىلەرگە دە, تۇتىنۋشىلارعا دا قاتىستى بىرقاتار ماڭىزدى ماسەلە بويىنشا ناقتىلاۋ قاجەتتىلىگىن انىقتادى.
«نەگىزگى وزگەرىستەردىڭ ءبىرى – ءسۇت ونىمدەرىنىڭ وراۋىشىندا وسىمدىك مايلارىنىڭ بولۋى تۋرالى اقپاراتتى مىندەتتى تۇردە ورنالاستىرۋ. بۇل تالعامپاز تۇتىنۋشىلارعا ءونىمدى ساتىپ الۋ تۋرالى سانالى شەشىم قابىلداۋعا مۇمكىندىك بەرەدى», دەيدى قازاقستان ستاندارتتاۋ جانە مەترولوگيا ينستيتۋتىنىڭ ساراپشىلارى.
سونداي-اق بالالار تاعامى ونىمدەرىن سايكەستەندىرۋدىڭ فيزيكا-حيميالىق كورسەتكىشتەرى وزگەردى. كۇل مولشەرىن نورمالاۋ الىپ تاستالدى جانە د دارۋمەنىنىڭ مولشەرىنىڭ شەگى ۇلعايتىلدى. بالالار تاعامىن وندىرۋشىلەردىڭ پىكىرىنشە, وسى وزگەرىستەر بالالار تاعامىن ءوندىرۋدى تۇراقتاندىرۋعا جانە تۇتىنۋشىلاردى جوعارى ساپالى ونىمدەرمەن قامتاماسىز ەتۋگە مۇمكىندىك بەرەدى.
جاڭا تۇزەتۋلەر ايران, سۇزبە, تاڭ جانە قۇرت سياقتى ۇلتتىق ءسۇت ونىمدەرىن نارىقتا قولجەتىمدى ەتە وتىرىپ, ەسكەرەتىنىن اتاپ ءوتۋ ماڭىزدى.
رەگلامەنتتە قۇرامىندا 6%-عا دەيىن ءسۇت مايى بار «قۇرامىندا ءسۇت بار بالمۇزداق» تەرمينى پايدا بولادى, بۇل تۇتىنۋشىلار ءۇشىن كوبىرەك تاڭداۋ مەن اقپارات بەرەدى. بۇرىن قۇجاتتا تەك ءممۇ 12%-بەن ء«سۇت مايىن الماستىراتىن بالمۇزداق» تەرمينى بەكىتىلگەن.
سونىمەن قاتار بۇل ءونىمدى بايىتۋعا مۇمكىندىك بەرەتىن قالپىنا كەلتىرىلگەن ءسۇتتىڭ انىقتاماسى ەنگىزىلەدى. «كونتسەنتراتسيالانعان, قويۋلاندىرىلعان ءسۇتتى قايتا وڭدەۋ ءونىمى» ساناتىن ەنگىزۋ سارىسۋدى قولدانۋدى كەڭەيتۋگە جانە ءونىمدى ستاندارتتاۋدى قامتاماسىز ەتۋگە مۇمكىندىك بەرەدى.
وندىرۋشىلەرگە ءوز ونىمدەرى ءۇشىن ويلاپ تاپقان اتاۋلاردى كورسەتۋگە جانە بىرىكتىرىلگەن اتاۋلاردى پايدالانۋعا مۇمكىندىك بەرەتىن شىعارماشىلىق ەركىندىك تە ۇسىنىلماق.
