– شەتەلدە ءبىلىم الۋ بالا كۇنگى ارمانىم ەدى. سوعان جەتۋ ءۇشىن ءتىل ۇيرەنەمىن دەپ ماقسات قويدىم. قازىرگى تاڭدا تۇرىك, اعىلشىن تىلدەرىندە ەركىن سويلەيمىن. اعىلشىن ءتىلىن ءبىرىنشى كۋرستان ۇيرەنە باستادىم. ەكى جىل ۋاقىت ىشىندە ءبىلىم دەڭگەيىمدى ءبىرشاما ارتتىردىم, – دەيدى ول.
قاراقات – قازاق ۇلتتىق قىزدار پەداگوگيكالىق ۋنيۆەرسيتەتىنىڭ فيزيكا ءپانى مۇعالىمى ماماندىعىنىڭ 3-كۋرس ستۋدەنتى. اقتوبە وبلىسى, العا قالاسىنداعى العا مەكتەپ-گيمنازياسىنىڭ تۇلەگى. «التىن بەلگى» يەگەرى.
– ۋنيۆەرسيتەتىمىزدە ءبىلىمدى شەتەلدە جالعاستىرۋعا ارنالعان ءتۇرلى باعدارلاما بار. اكادەميالىق ۇتقىرلىق, قوس ديپلوم تاعى دا باسقا جوبالار ستۋدەنتتەرگە كوپ مۇمكىندىك سىيلاپ وتىر. بۇل باعدارلامالار 4 جىل ىشىندە ەكى ۋنيۆەرسيتەتتەن قاتار ءبىلىم الىپ, ەكى ديپلوم الۋعا مۇمكىندىك بەرەدى. مەن قوس ديپلوم باعدارلاماسىمەن ميسسيسيپي القابى ۋنيۆەرسيتەتىنە Science Education ماماندىعىن وقۋعا بارامىن, – دەيدى ول.
قاراقات اقش-تا ۇيرەنگەن ءتالىمىن ەلىمىزدە كادەگە جاراتقىسى كەلەدى.
– ءدال وسىنداي مۇمكىندىك سىيلاعان قازاق ۇلتتىق قىزدار پەداگوگيكالىق ۋنيۆەرسيتەتىنە, وقىتۋشىلارعا العىسىم شەكسىز. كەز كەلگەن جاعدايدا قولدايتىن اتا-اناما, باۋىرلارىما, دوستارىما راحمەت ايتامىن. وقۋىمدى ۇزدىك اياقتاپ, ۇستازدىق جولدىڭ قىر-سىرىن تولىق مەڭگەرىپ, سول ارقىلى ەلىمنىڭ دامۋىنا ۇلەس قوسقىم كەلەدى, – دەيدى قاراقات.
سالتانات بايتەكەنوۆا,
ح.دوسمۇحامەدوۆ اتىنداعى
اتىراۋ ۋنيۆەرسيتەتىنىڭ ستۋدەنتى
