فوتو: جامبىل وبلىسى اكىمدىگىنىڭ ءباسپاسوز قىزمەتى
جامبىل وبلىسى اكىمدىگى ءباسپاسوز قىزمەتىنىڭ اقپاراتىنشا قالماعانبەتوۆا اينا سەرىكقىزى بۇعان دەيىن دە ونەر جوبالارى مەن حالىقارالىق كونكۋرستاردىڭ لاۋرەاتى اتانعان. سونىمەن قاتار قازاقستان رەسپۋبليكاسى پرەزيدەنتىنىڭ «قۇرمەت» مەملەكەتتىك ناگراداسىمەن ماراپاتتالعان.
مادەنيەت جانە سپورت مينيسترلىگىنىڭ ىقپالىمەن, جامبىل وبلىسى اكىمدىگىنىڭ قولداۋىمەن ەلىمىزدىڭ اتىنان قاتىسقان اينا سەرىكقىزى اتالعان فەستيۆال بارىسىندا تولەگەن مۇحامەدجانوۆتىڭ «قۇس جولى» ءانىن, ەكىنشى كۇنى ەريك كارمەننىڭ «All By myself» الەمدىك حيت ءانىن جوعارى دەڭگەيدە ورىنداپ, زور قوشەمەتكە بولەندى.
ءۇش كۇنگە سوزىلعان مۋزىكالىق دارىندىلار بايقاۋىنا قازاقستان, قىرعىزستان, وزبەكستان, ازەربايجان, ۆەنگريا, تۇركيا, سولتۇستىك كيپر تاعى باسقا ەلدەردەن 18 بەن 35 جاس ارالىعىنداعى 17 جاس ورىنداۋشى باق سىنادى.
ايتا كەتەيىك, 2013 جىلى وتكەن «Makin Asia» ءبىرىنشى مۋزىكالىق فەستيۆالىندە ەلىمىزدىڭ نامىسىن قورعاعان ديماش قۇدايبەرگەن باس جۇلدەنى جەڭىپ العان ەدى.
