فوتو: primeminister.kz
18 تامىز كۇنى ساعات 8.15-تە شاحتا جۇمىستارىن جۇرگىزۋ كەزىندە تاعى ءبىر ادامنىڭ دەنەسى تابىلىپ, جەر بەتىنە شىعارىلدى.
العاشقى بولىپ ەلەكتريك ۆيتالي سليۋنكوۆتىڭ دەنەسى تابىلدى.
تاعى ءۇش ادامدى ىزدەۋ جۇمىستارى جالعاسۋدا.
ايتايىق, اپات كەزىندە 227 قىزمەتكەر جەر استىندا بولعان. اپاتتى جويۋ جوسپارى دەرەۋ ەنگىزىلىپ, 222 ادام جەر بەتىنە شىعارىلدى.
بۇعان دەيىن «ارسەلورميتتال تەمىرتاۋ» اق «قازاقستان» كەنىشىندە ىزدەۋ جۇمىستارىن جالعاستىرۋعا ۋادە بەرگەن بولاتىن. قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ «قازاقستان» كەنىشىندەگى توتەنشە جاعدايعا بايلانىستى تاپسىرما بەرىپ, شەتەلدىك مەنشىك يەلەرىنە ەسكەرتۋ جاساعان.
بۇرىن حابارلانعانداي, شاحتاداعى ورتتەن زارداپ شەككەندەر سانى سەگىزگە دەيىن ءوستى. اۋرۋحاناعا تۇسكەن سەگىز كەنشىنىڭ ەكەۋى جانساقتاۋ بولىمىندە جاتىر.
قر قىلمىستىق كودەكسىنىڭ 2-بولىگى بويىنشا سوتقا دەيىنگى تەرگەۋ باستالدى. (تاۋ-كەن نەمەسە قۇرىلىس جۇمىستارىن جۇرگىزۋ كەزىندەگى قاۋىپسىزدىك ەرەجەلەرىن بۇزۋ). ءىس قاراعاندى وبلىسى پروكۋراتۋراسىنىڭ باقىلاۋىندا.
