فوتو: pavlodarnews.kz
Pavlodarnews.kz ۇسىنعان مالىمەتىنە سۇيەنسەك, روديون يۆانوۆتىڭ تاياۋدا TikTok جەلىسىندە شىققان ۆيدەوسى 2 ميلليوننان اسا قارالىم جيناعان. جەلى قولدانۋشىلارى ۇلتى ورىس جىگىتىنىڭ قازاقشا تازا سويلەگەنىنە ريزا بولىپ, جىلى لەبىزدەرىن جارىسا جازىپ جاتتى.
ال روديوننىڭ ايتۋىنشا, جەلىدە تاراعان ۆيدەونى وسىدان ەكى جىل بۇرىن اپكەسى تۇسىرىپ العان.
«بۇل – مۇراعاتتىق ۆيدەو, ونىڭ بۇكىل جەردە تاراپ كەتەتىنىن كۇتپەدىم», – دەيدى ول.
روديون ورىس ءتىلدى بالاباقشا مەن مەكتەپكە بارعان, ال قازاق تىلىنە وقۋشى كەزىندە قىزىعا باستاعان.
«ەكىنشى سىنىپتا قازاق ءتىلىن وقىپ جۇرگەنىمدە «قازاقستان» تەلەارناسىندا كورسەتىلگەن كارىس سەريالدارىن قاراپ, سول ارقىلى ۇيرەنىپ الدىم. سەريالدى ورىسشا سۋبتيتر ارقىلى قاراعان ەدىم», دەيدى روديون.
وتباسىندا بەس ادامنىڭ ىشىنەن تەك روديون عانا قازاق تىلىن ەركىن مەڭگەرگەن ەكەن.
«مەن قازاقشا ويلاي باستادىم. كەيدە ويلاعان نارسەنى ايتپاي قويامىن, سەبەبى تىڭداۋشى ادام مەنى تۇسىنبەي قالۋى مۇمكىن ەكەنىن بىلەمىن. سوندىقتان ويىمدى ورىسشاعا اۋدارۋعا تۋرا كەلەدى», دەيدى روديون.
ونىڭ ويىنشا, قازاق ءتىلىن ۇيرەنۋ ءۇشىن ەڭ باستىسى «ق», «ع» سىندى ءتول دىبىستاردى جاتتاپ الۋ كەرەك.
