سەنبىدە «وقجەتپەس» «جەتىسۋدى» قابىلدادى. قاتارىنان ءۇش كەزدەسۋدە جەڭىلىس تاپقان كوكشەتاۋلىقتار بۇل جولى جانكۇيەرلەرىن قۋانتۋ ءۇشىن بارىن سالدى. جانە دە ولار كوزدەگەن ماقساتتارىنا قول جەتكىزدى. جاسۇلان مولداقاراەۆ پەن داۋرەن جۇماتتىڭ سوققان دوبىنا تالدىقورعاندىقتار مۇسا باكايوكونىڭ گولىمەن عانا جاۋاپ قايىردى – 2:1. «اتىراۋ» مەن «كاسپيدىڭ» اراسىنداعى باسەكەنىڭ تاعدىرىن 21-مينۋتتا ەۆگەني كوزلوۆ سوققان جالعىز گول شەشتى – 1:0. جەكسەنبىدە تاعى ءتورت ويىندى تاماشالادىق. «قايرات» ءوز الاڭىندا «توبىلدى» 2:1 ەسەبىمەن ۇتتى. 5 مينۋتتا ارتۋر شۋشەناچەۆ ەسەپ اشسا, 12-مينۋتتا يوۆان يليچ تارازى باسىن تەڭەستىردى. ۇزىلىسكە دەيىن ۆياچەسلاۆ شۆىرەۆ نىسانانى ءدال كوزدەپ, «قايراتتى» قايتا العا شىعاردى. سودان كەيىن ەسەپ وزگەرگەن جوق. وزگە ماتچتارعا توقتالساق, «قايسار» «ورداباسىعا» 2:3 ەسەبىمەن ەسە جىبەردى. ال «قىزىلجار» مەن «شاحتەر» جانە «اقسۋ» مەن «اقتوبە» تەڭ تاراستى. ەكى رەتىندە دە 1:1 ەسەبى تىركەلدى.
جارىس كەستەسىندە «ورداباسى» جەكە-دارا كوش باستاپ تۇر.
