ول اپاتتاردان اۋىر جانە جەڭىل كولىكتەرگە, تەمىرجول سوستاۆتارىنا تاسىمالداناتىن جۇكتەرگە كەلتىرىلىپ جاتقان شىعىندار شاش-ەتەكتەن ەكەنىن ايتتى. سونداي-اق دەپۋتات جول اپاتىنا قاتىستى دەرەكتەرمەن ءبولىستى.
– كەيىنگى ءۇش جىلدا ب.مومىش ۇلى اۋىلىن ەكىگە ءبولىپ تۇرعان تەمىرجولدىڭ استىندا ورنالاسقان وتكەل ماڭىندا بولعان 12 جول-كولىك وقيعاسى سالدارىنان 3 ادام قازا تاۋىپ, 7 ادام جاراقات العان. بۇل ماسەلەنى شەشۋدىڭ جالعىز جولى – ماتەريالدىق تۇرعىدا توزىعى جەتىپ, بەتون قابىرعالارى جارىلىپ تۇرعان تەمىرجولدىڭ استىمەن وتەتىن كوپىرگە كۇردەلى جوندەۋ وتكىزىپ, سول ارقىلى ەكى كولىك سىياتىنداي ەتىپ كەڭەيتۋ, – دەدى دەپۋتات ساۋالىندا.
ءماجىلىس دەپۋتاتى تەمىرجول مەن اۆتوموبيل جولدارىنىڭ قيىلىسى – تەمىرجول كوپىرىن رەتتەۋدىڭ باسقا ءبىر وڭتايلى ءارى كوپ شىعىندى قاجەت ەتپەيتىن جولىن ىزدەۋ زامان تالابى دەپ وتىر. ال رومان سكليار جاۋابىندا بوراندى ستانساسىندا 3 441 كم پك7-دە ورنالاسقان سۋ وتكىزۋگە ارنالعان قۇرىلىم اۆتوكولىكتەر ءوتۋ ءۇشىن قاراستىرىلماعانىن ايتتى.
– بۇل قۇرىلىم ارقىلى كولىك قۇرالدارىنىڭ ءوتۋى «كوپىرلەر مەن كۇبىرلار» عيماراتتارى جۋىقتاۋ ولشەمدەرىنىڭ تالاپتارىنا سايكەس كەلمەيدى جانە قۇرىلىمدى ودان ءارى پايدالانۋ پويىزدار قوزعالىسىنىڭ قاۋىپسىزدىگىنە قاۋىپ توندىرەدى. ءوز كەزەگىندە, بيۋدجەت كودەكسىنىڭ 54-بابىنا سايكەس, وبلىستىق بيۋدجەت شىعىستارى وبلىس اۋماعىندا قوعامدىق قاۋىپسىزدىكتى قامتاماسىز ەتۋ باعىتتارىن كوزدەيدى, – دەدى ر.سكليار.
ۆيتسە-پرەمەر اۋداندىق جانە وبلىستىق ماڭىزى بار قالانىڭ اكىمدىكتىڭ قۇزىرەتىنە كولىك جانە ينجەنەرلىك ينفراقۇرىلىم نىساندارىنىڭ قۇرىلىسىن ۇيىمداستىرۋ جانە پايدالانۋ كىرەتىنىن حابارلادى. وسىعان بايلانىستى, جەرگىلىكتى اتقارۋشى ورگانعا ءوز قۇزىرەتى شەڭبەرىندە بوراندى ستانساسىنىڭ ماڭىندا اۆتوكولىكتەر ءوتۋ ءۇشىن جولدى قاراستىرۋ جانە قاۋىپسىزدىكتى قامتاماسىز ەتۋ تاپسىرىلعان.
