ۇكىمەت باسشىسىنا تەمىرجول ينفراقۇرىلىمىنىڭ بىرقاتار نىسانىن مەملەكەت مەنشىگىنە قايتارۋ بارىسى تۋرالى باياندالىپ, ولاردى باسەكەگە قابىلەتتى ورتاعا بەرۋ تۋرالى مامىلە سوت تاراپىنان جارامسىز دەپ تانىلدى. اتاپ ايتقاندا, سەنىپ تاپسىرىلعان م ۇلىكتى ىسىراپ ەتۋ فاكتىلەرى انىقتالدى. قىلمىستىق ءىس اياسىندا تەرگەۋ ورگاندارى تۇپكىلىكتى پروتسەسسۋالدىق شەشىم قابىلدانعانعا دەيىن قتج باسقارماسىنا بەرە وتىرىپ, اكتيۆتەرگە تىيىم سالدى. م ۇلىك كەشەنىن قورعاۋ قامتاماسىز ەتىلدى.
پرەمەر-مينيستر رەسپۋبليكانىڭ باسقا وڭىرىندە ۇقساس نىساندار بويىنشا جۇمىستى كۇشەيتۋدى تاپسىرىپ, ءتيىستى كاسىپورىندار قىزمەتكەرلەرىنىڭ بارلىق تەحنولوگيالىق ۇدەرىسى مەن قىزمەتىن ساقتاۋدىڭ ماڭىزىن اتاپ ءوتتى.
سونىمەن قاتار وتىرىستا دەنساۋلىق ساقتاۋ سالاسىنداعى ۇيىمدى رەسپۋبليكا مەنشىگىنە قايتارۋ ماسەلەسى قارالدى. الدىن الا مالىمەتتەر بويىنشا اكتيۆتى باسقارۋدى ءوز موينىنا العان جەكەمەنشىك كومپانيا ۇزاق ۋاقىت بويى ءوز فۋنكتسيالارىن ورىنداماي كەلگەن جانە كەلىسىلگەن ينۆەستيتسيالىق باعدارلامانىڭ شارتتارىن بۇزعان. تالقىلاۋ قورىتىندىسى بويىنشا باسقارۋ تيىمدىلىگىنە تەكسەرۋ جۇرگىزۋ ءۇشىن ۆەدومستۆوارالىق كوميسسيا قۇرۋ تۋرالى شەشىم قابىلداندى. ونىڭ ناتيجەلەرى بويىنشا شارتتى بۇزۋدىڭ جانە اكتيۆتى مەملەكەت مەنشىگىنە قايتارۋدىڭ دۇرىستىعى تۋرالى شەشىم قابىلداناتىن بولادى.
ايتا كەتسەك, ەلىمىزدە ەكونوميكانى دەمونوپوليزاتسيالاۋ جانە زاڭسىز يەمدەنىلگەن اكتيۆتەردى مەملەكەتكە قايتارۋ جۇمىستارى قارقىندى ءجۇرىپ جاتىر. قازىرگى كۇنى وڭىرلەردە حالىقپەن جۇزدەسىپ جاتقان ءماجىلىس دەپۋتاتتارى دا وسى باعىتتا جۇمىستار جۇرگىزىپ جاتىر. ماسەلەن, بىرەر كۇن بۇرىن دەپۋتات سەرگەي پونامورەۆ ءوزىنىڭ الەۋمەتتىك جەلىدەگى پاراقشاسىندا الماتى قالاسى ماڭىندا ىلە-الاتاۋ ۇلتتىق پاركى اۋماعىنداعى جەكەمەنشىككە ساتىلعان 10 مىڭ گەكتار جەردىڭ زاڭدىلىعىن تەكسەرۋگە كەلگەنىن جاريالاعان بولاتىن. ونىڭ ايتۋىنشا, كورسە كوز تويمايتىن, تۇمسا تابيعاتى ايرىقشا بۇل جەرلەر الدىمەن جالعا بەرىلگەن, كەيىن 2015 جىلى باۋىرجان بايبەك اكىم بولىپ تۇرعان ۋاقىتتا ءبىر ادامعا ساتىلىپ كەتكەن. دەپۋتات بۇل جەردىڭ قانشالىقتى زاڭدى جولمەن ساتىلعانى كۇمان تۋدىراتىنىن ايتادى. ەگەر بۇعان باقىلاۋ بولماسا, ەرتەڭگى كۇنى مۇندا قۇرىلىس جۇمىستارى باستالىپ, تابيعاتقا نۇقسان كەلۋى ابدەن مۇمكىن. ءبىز دەپۋتاتتاردىڭ باستاماسى اياقسىز قالماي, سوڭىنا دەيىن جەتەتىنىنە سەنەمىز.
