24 شىلدە مەن 2 تامىز ارالىعىندا وتكەن الەمدىك ءبىلىم دوداسىنا قازاقستان قۇراماسى ونلاين قاتىسقان بولاتىن. كوماندا قۇرامىندا ورال قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ 11-سىنىپ وقۋشىسى نۇرداۋلەت ەل نامىسىن ابىرويمەن قورعاپ شىقتى. جالپى ناتيجەدە قازاقستان كومانداسى 1 كۇمىس, 4 قولا مەدالدى قانجىعاعا بايلادى.
– حالىقارالىق وليمپيادا تاپسىرمالارى رەسپۋبليكالىق كەزەڭدەگىدەي بولدى. تاپسىرمالاردى ورىنداۋعا از ۋاقىت بەرىلدى. بىراق سۇراقتىڭ باسىم بولىگىنە ءساتتى جاۋاپ بەرىپ, قولا مەدالعا قول جەتكىزدىم. بۇل وليمپيادا ارقىلى ءوزىمنىڭ كەمشىلىكتەرىمدى دە بايقادىم. ەگەر تاعى ءبىر مارتە قاتىسۋ مۇمكىندىگى بولسا, التىن مەدال الۋ ءۇشىن بار كۇشىمدى سالامىن, – دەيدى نۇرداۋلەت.
«بۇل وليمپيادا تەستىلەۋ, اشىق سۇراقتار, قارجىلىق ويىن جانە بيزنەس كەيس كەزەڭدەرىنەن تۇردى. شاكىرتىمىزدىڭ جەتىستىگىنە مەكتەبىمىزدىڭ ەكونوميكا ءپانى مۇعالىمى ايگەرىم راحىمنىڭ دا ۇلەسى زور», دەيدى نازارباەۆ زياتكەرلىك مەكتەبىنىڭ ءباسپاسوز حاتشىسى ءمولدىر لاتيفوۆا.
