ميكروكرەديت الۋعا ءوتىنىم بەرۋشىلەردىڭ دەنى تۇركىستان, جامبىل, الماتى, باتىس قازاقستان, قىزىلوردا, جەتىسۋ وبلىستارىنان ەكەن. كونكۋرستىق كوميسسيالاردىڭ شەشىمىمەن 3 169 جوبا ماقۇلدانىپتى. ونىڭ ىشىندە 2 385-ءىن ىسكە اسىرۋعا كرەديت بەرىلگەن. كرەديت الۋشىلاردىڭ باسىم كوپشىلىگى مال شارۋاشىلىعى, قىزمەت كورسەتۋ, ساۋدا, وسىمدىك شارۋاشىلىعى مەن جەڭىل ونەركاسىپ سالاسىن قامتىدى.
جالپى, 5 ملن تەڭگە كولەمىندەگى ميكروكرەديت كەز كەلگەن ماقساتتا 5 جىلعا نەمەسە مال شارۋاشىلىعى سالاسىنداعى جوبالار ءۇشىن 7 جىلعا دەيىن بەرىلەدى. نومينالدى سىياقى مولشەرلەمەسى جىلدىق 2,5%-دان اسپايدى. كەپىلمەن قامتاماسىز ەتۋ مىندەتتى. بۇل رەتتە جىلجىمالى جانە جىلجىمايتىن م ۇلىك قابىلدانادى. ەگەر كەپىلمەن قامتاماسىز ەتۋشى بولماعان جاعدايدا كەپىل بەرۋشى رەتىندە اتا-انالارىن, تۋىستارىن, تاعى باسقالارىن تارتۋ قۇپتالادى.
سونداي-اق قاتىسۋشىلاردىڭ جاسى ەسكەرىلەدى. شارت بويىنشا 21 جاستان 35 جاسقا دەيىنگى جاستارعا ءوز كاسىبىن اشۋعا نەمەسە ونى كەڭەيتۋگە, 5 جىلدان اسپايتىن مەرزىممەن جەكە كاسىپكەر رەتىندە تىركەلگەن جاعدايدا بەرىلەدى. بۇعان قوسا ميكروكرەديت الۋشىلار ءۇشىن نەگىزگى بورىش پەن سىياقىنى وتەۋ بويىنشا جەڭىلدىك كەزەڭى بەرىلەدى. ول ميكروكرەديت مەرزىمى ۇزاقتىعىنىڭ ۇشتەن بىرىنەن اسپايدى. قۇجاتتار پاكەتىن «اگرارلىق نەسيە كورپوراتسياسى» اق فيليالىنا تاپسىرۋ قاجەت. بۇگىندە وتىنىمدەر بارلىق وبلىستا, استانا, الماتى جانە شىمكەنت قالالارىندا قابىلدانىپ جاتىر. ول ءۇشىن جەكە باسىن كۋالاندىراتىن قۇجات, جوبا بويىنشا بيزنەس-جوسپار, شوتتىڭ بولۋى تۋرالى قىزمەت كورسەتەتىن بانكتەن انىقتاما, كرەديتتىك بەرەشەكتىڭ, ونىڭ ىشىندە قارجى ۇيىمدارىنان مەرزىمى وتكەن بەرەشەكتىڭ بولۋى تۋرالى انىقتاما (كرەديتتەر بولعان كەزدە), ۇمىتكەردىڭ جالاقىسىن جانە (نەمەسە) وزگە دە تابىستارىن راستايتىن قۇجات (جيناقتاۋشى زەينەتاقى قورىنان ءۇزىندى كوشىرمە), كەپىلدى قامتاماسىز ەتۋ رەتىندە بەرىلەتىن م ۇلىكتى باعالاۋ تۋرالى ەسەپ, كەپىل بەرۋشى جانە كەپىلمەن قامتاماسىز ەتۋ جونىندەگى قۇجاتتار بولۋى ماڭىزدى.
ۇمىتكەرلەر ارنايى كوميسسيانىڭ وتىرىستارىندا وزدەرىنىڭ بيزنەس-جوبالارىن تانىستىرادى. وسىلايشا, ميكروكرەديت بەرۋ تۋرالى شەشىم كوميسسيالىق جانە ناقتى ءىس-قيمىل جوسپارىمەن وزەكتى, دالەلدى, ەكونوميكالىق نەگىزدەلگەن, قوعامدىق ماڭىزى بار, ومىرشەڭ بولۋعا ءتيىس جوبانىڭ پىسىقتالۋىن باعالاۋدىڭ ناقتى كريتەريلەرى نەگىزىندە قابىلدانادى.
