بۇل جاعداي 5 تامىز كۇنى بايتەرەك اۋدانى جايىق-2 ەلدى مەكەنى ماڭىندا بولدى.
«كارەر» جاساندى سۋ قويماسىندا «Miami park» دەمالىس ايماعىندا («الي» جەكە كاسىپكەرلىگىنىڭ جەكە جاعاجايى بيىلعى 6 شىلدەدە اشىلعان) ساعات 17.40-تا 16 جاسار ءجاسوسپىرىم سۋعا باتتى. ونىڭ دەنەسىن جەدەل قۇتقارۋ جاساعىنىڭ قىزمەتكەرلەرى ساعات 19.00-دە سۋدان شىعاردى.
سونىمەن قاتار كەشە ساعات 19.11-دە ورال قالاسىندا «باتىس قازاقستان ماشينا جاساۋ كومپانياسى» اق اۋدانىندا قۇتقارۋشىلار 44 جاستاعى ەر ادامنىڭ دەنەسىن شىعاردى. ول دوسىمەن بىرگە سۋدا ءجۇزىپ جۇرگەندە باتىپ كەتكەن. سوسىن ونى دوسى جايىق وزەنىنىڭ ارعى بەتىنە شىعارىپ قويعان. قۇتقارۋشىلار ءمايىتتى بەرگى بەتكە شىعارىپ, پوليتسيا قىزمەتكەرلەرىنە تاپسىردى.
«تاعى ءبىر وقيعا اقجايىق اۋدانى جامبىل اۋىلدىق وكرۋگى «دوڭگەلەك» سۋ قويماسىندا بولدى. 31 جاستاعى ەر ادام 4 تامىز كۇنى ساعات 22.00-دە قايىقپەن سۋدا ءجۇزىپ, بەلگىسىز جاعدايدا جوعالىپ كەتكەن. قايىق سۋدان تابىلعان. 5 تامىز كۇنگى ساعات 10.42-دە ىزدەستىرۋ جۇمىستارى باستالىپ, ونىڭ دەنەسى بۇگىن 07.50-دە تابىلدى. بقو تج دەپارتامەنتى تۇرعىندارعا سۋداعى قاۋىپسىزدىك ەرەجەلەرىن قاتاڭ ساقتاۋ كەرەكتىگىن ەسكە سالادى», دەپ حابارلايدى ۆەدومستۆو وكىلدەرى.
