ددۇ ءۇن پاراقشاسىنىڭ اقپاراتى بويىنشا, الدىڭعى 28 كۇنمەن سالىستىرعاندا اتالمىش ينفەكتسيا جۇقتىرۋشىلاردىڭ سانى 7%-عا ءوسىپ, ءولىم-ءجىتىم سانى 53%-عا ازايعان.
COVID-19 ءالى دە كۇشىندە ەكەنى ناقتىلانعاندىقتان اتالعان ۇيىم مەملەكەتتەردى اۋرۋعا قارسى قۇرعان ينفراقۇرىلىمداردى ءالى ساقتاۋعا شاقىرىپ وتىر.
«الەمدە ءتورت اپتا ىشىندە 1 008 194 ينفەكتسيا جۇقتىرۋ جانە 3 132 كىسى ءولىمى تىركەلدى. توتەنشە جاعداي رەجيمىنىڭ اياقتالۋىنا قاراماستان, COVID-19 ءالى دە ۇلكەن قاۋىپ رەتىندە سانالادى. قاداعالاۋ, ەسەپ بەرۋ, كوروناۆيرۋس دەرتىنىڭ الدىن الۋ, ەرتە كلينيكالىق كومەك كورسەتۋ, جوعارى قاۋىپتى توپتارعا جاتاتىندارعا قايتا ۆاكتسينالاۋ جۇرگىزۋ وتە ماڭىزدى», دەلىنگەن مالىمدەمەدە.
