اپاتتان زارداپ شەككەن تاعى ءبىر ايەل كەشە تۇندە الانيا مەملەكەتتىك اۋرۋحاناسىندا قايتىس بولدى. بۇل تۋرالى قر سىرتقى ىستەر مينيسترلىگى تۇركيا دارىگەرلەرىنىڭ اقپاراتىنا سىلتەمە جاساپ حابارلادى.
«قازىرگى ۋاقىتتا مارقۇمنىڭ تۋىستارى اۋرۋحانادا. ولارعا قاجەتتى كومەك كورسەتىلىپ جاتىر. قۇجاتتار راسىمدەلگەن سوڭ ءمايىت قازاقستانعا جونەلتىلەدى», دەپ حابارلادى قر ءسىم.
بۇعان دەيىن وقىس وقيعا سالدارىنان قازا تاپقان تاعى ءبىر قازاقستاندىقتىڭ دەنەسى ەلگە جەتكىزىلدى.
ەسكە سالا كەتەيىك, 30 شىلدەدە الانيادا 12 قازاقستان ازاماتى مىنگەن شاعىن اۆتوبۋس جول اپاتىنا ۇشىرادى. ەكسكۋرسيالىق فۋرگوننىڭ جۇرگىزۋشىسى مەن ەكسكۋرسوۆود وقيعا ورنىندا كوز جۇمدى. اۋرۋحاناعا قازاقستان رەسپۋبليكاسىنىڭ 11 ازاماتى ءتۇستى, كەيىن ولاردىڭ بىرەۋى (ماڭعىستاۋ قالاسىنىڭ 49 جاستاعى تۇرعىنى) قايتىس بولدى.
