قارجى قالاي جۇمسالىپ جاتىر؟

ەلىمىزدەگى اپاتتىق جاعداي­دا­عى جانە ءۇش اۋىسىمدى مەكتەپتەر ماسەلەسىن شەشۋ ءۇشىن «جايلى مەكتەپ» جوباسى قولعا الىنعانى ەسىمىزدە. وعان 2,6 ترلن تەڭگە بولىنگەن. ونىڭ 646 ملرد تەڭگەسى ۇلتتىق قوردان, ال 1,9 ترلن تەڭگە رەسپۋبليكالىق بيۋدجەتتەن بەرىلەدى. جوبا جۇزە­گە اسىرىلۋى ءۇشىن قاراجات جەر­گى­­لىكتى اتقارۋشى ورگانداردان­ تىكە­لەي «Samruk-Kazyna Construction» كومپانياسىنىڭ قار­جى مي­نيستر­لىگىنىڭ قازىنا­شى­­لى­عىن­داعى ارنايى شو­تىنا تۇسەدى. ونى كومپانيا مەردى­گەرلەر­گە كوميسسيالىق الىم­دارسىز اۆانس نەمەسە تولەم رەتىن­دە اۋدارادى. بۇگىنگە دەيىن شوت­قا 245,3 ملرد تەڭگە تۇسكەن. اتالعان قارجى ەسەبىنەن جارتى جىلدا 108 جايلى مەكتەپتى جوبالاۋ جانە سالۋ بويىنشا شارت جاسالعان.

– «جايلى مەكتەپ» ۇلت­تىق­ جوباسى – بۇرىن-سوڭ­دى بولماعان باستاما ءارى وتان­­دىق ءبىلىم بەرۋ سالاسىن جاڭ­عىر­تۋدىڭ جاڭا تاجىريبەسى. باع­دار­لامانىڭ ەل تاريحىندا بالاماسى جوق. جوبانى ىسكە اسىرۋ ۇدەرىسىندە نورما­تيۆتىك قۇرالدار مەن ۇيىم­داستىرۋشىلىق تاسىلدەر جەتىل­دى­رىلىپ, ماڭىزدى قۇقىق­تىق قاي­شىلىقتار جويىلادى. جوبا­­نىڭ جوعارى ديناميكاسى ءبىرىن­­شى جارتىجىلدىقتا 108 جايلى مەكتەپتى جوبالاۋ جانە سالۋ بويىنشا شارت جاساسۋعا مۇمكىندىك بەردى, – دەدى ماۋلەن ايمانبەتوۆ.

كومپانيانىڭ مالىم­دە­ۋىن­شە,­ بۇل نىساندار بويىنشا باس­تاپ­قى شارتتاردىڭ جالپى قۇنى 678,7 ملرد تەڭگەگە تەڭ. ونىڭ 10,1 ملرد تەڭگەسى جوبالىق-سمەتا­لىق قۇجاتتاما ازىرلەۋگە, ال 668,6 ملرد تەڭ­گە­­سى قۇرىلىس-مون­تاجداۋ جۇ­مىس­­تارىنا بولىن­گەن. 30 ماۋ­سىم­داعى جاعداي بويىن­شا­ جاسال­عان شارتتاردىڭ تالاپ­­تا­رىنا سايكەس 87,7 ملرد تەڭگە كو­لەمىندە اۆانستىق تو­لەم­­دەر­ جاسالعان. ونىڭ ىشىن­دە­ جوبا­لىق-سمەتالىق قۇجات­تاما ازىرلەۋگە 2,4 ملرد تەڭ­گە, قۇرى­لىس-مونتاجداۋ جۇمىس­تا­رى­نىڭ­ باستالۋىنا 85,3 ملرد تەڭ­گە تولەنگەن.

جوسپار بويىنشا 2024 جىل­دىڭ سوڭىنا دەيىن 207 مەكتەپ قول­دا­نىسقا بەرىلۋگە ءتيىس. ال 2025 جىلدىڭ سوڭىڭا دەيىن بۇل كورسەتكىش 369-عا جەتۋى كەرەك. «Samruk-Kazyna Construction» كومپانياسى جۇمسالعان ءار تيىن­نىڭ ەسەبىن بەرىپ وتىرسا, تريل­ليوندار تالان-تاراجعا ءتۇسىپ كەتپەي جوسپارعا ساي جايلى مەكتەپ سالىنارى داۋسىز.