قازىرگى كەزدە وقۋلىقتاردىڭ 80 پايىزى تسيفرلىق فورماتقا كوشىرىلگەن. تسيفرلىق نۇسقاداعى وقۋلىقتار مەملەكەتتىك ساراپتامادان ءوتىپ, وقۋ-ادىستەمەلىك كەشەندەر تىزىمىنە ەنگىزىلدى. تسيفرلىق وقۋلىقتاردى ازىرلەۋگە 11 باسپا تارتىلعان. پاندەردى وقىتۋدىڭ يننوۆاتسيالىق تاسىلدەرىن ەنگىزۋ ماقساتىندا پەداگوگتەردىڭ ونى پايدالانۋى ءۇشىن ادىستەمەلىك ۇسىنىمدار ازىرلەنىپ, وقىتىلعان.
– قازىرگى كۇنى ەلىمىزدەگى باستاۋىش سىنىپ وقۋلىقتارىنىڭ 94 پايىزى, 5-9 سىنىپ وقۋلىقتارىنىڭ 81 پايىزى, 10-11 سىنىپ وقۋلىقتارىنىڭ 61 پايىزى ەلەكتروندى نۇسقاعا كوشىرىلگەن. 2024 جىلى پاندەردى تسيفرلىق وقۋلىقتارمەن 100 پايىز قامتۋ جوسپارلانعان, – دەدى وقۋ-اعارتۋ مينيسترلىگى ورتا ءبىلىم كوميتەتىنىڭ توراعاسى قانىبەك
جۇماشەۆ.
وقۋ-اعارتۋ مينيسترلىگىنىڭ مالىمەتىنشە, ەلەكتروندى وقۋلىقتارمەن قاتار مەكتەپتەردە قوسىمشا وقۋ ماتەريالى رەتىندە مۋلتيمەديالىق كونتەنتى بار تسيفرلىق ءبىلىم بەرۋ رەسۋرستارى دا ءجيى قولدانىلادى. قازىر 50 مىڭنان اسا تسيفرلىق ءبىلىم بەرۋ رەسۋرسى جاسالدى.
2023 جىلدىڭ باسىنان باستاپ تسيفرلىق ءبىلىم بەرۋ رەسۋرستارىنا 6,7 مىڭ مەكتەپ قوسىلدى. بۇل رەسۋرستاردى بۇگىندە كۇن سايىن 3 ميلليونداي وقۋشى مەن مۇعالىم قولدانىپ كەلە ءدى. تسيفرلىق ءبىلىم رەسۋرستارىندا بارلىق سىنىپتى قامتيتىن 50 مىڭنان اسا بەينەساباق جاريالانعان.
