رەسپۋبليكالىق ماڭىزى بار «الماتى – شەلەك – قورعاس» اۆتوجولىنىڭ 126-شى شاقىرىمىندا, ماگيسترالدىڭ وڭ جاق بويىندا جالپى اۋدانى 540 م2 قۇرايتىن, جولداعى جۇرتقا قىزمەت كورسەتەتىن نىسان ءوز جۇمىسىن باستادى. بۇل نىساندا ساۋدا جانە تاماقتانۋ پۋنكتەرى, كولىكتەرگە ارنالعان تۇراق, ەستاكادا جانە ەرلەرگە, ايەلدەرگە, ەرەكشە قاجەتتىلىگى بار جاندارعا ارنالعان اباتتاندىرىلعان سانيتارلىق-گيگيەنالىق توراپتار تولىق قاراستىرىلعان.
«قىزىلوردا – پاۆلودار – ۋسپەنكا – رف شەكاراسى» تاسجولىنىڭ قاراعاندى وبلىسىنىڭ رودنيكوۆسكي اۋىلىنان پاۆلودار وبلىسىنىڭ شەكاراسىنا دەيىنگى ارالىعى جوندەلىپ, پايدالانۋعا بەرىلدى. جولدىڭ بۇل بولىگى قاراعاندى جانە پاۆلودار وبلىستارىن بايلانىستىرادى. وسى جول ارقىلى تاۋلىگىنە 8 مىڭعا جۋىق كولىك قاتىنايدى ەكەن.
