ەلىمىزدىڭ ءار قيىرىنان جالپى سانى 28 ۇمىتكەر توپقا تۇسكەن دودادا جامبىل وبلىسىنان ءتورت اقىن باق سىنادى. تورتەۋدىڭ ەكەۋى ۇزدىكتەردىڭ قاتارىنان كورىندى.
شىمكەنتتىك نۇرلان ەسەنقۇلوۆپەن ايتىسقان اۋليەاتالىق التىنكۇل قاسىمبەكوۆانىڭ ونەرىن قازىلار القاسى دا, ونەرسۇيەر قاۋىم دا جوعارى باعالادى. جەڭگە مەن قاينى ايتىسىنىڭ تاماشا ۇلگىسىن كورسەتكەن اتالعان جۇپتىڭ ءسوز سايىسى راسىمەن دە ءساتتى شىقتى.
اتىراۋلىق فاريزا جەتپىسبايمەن ءسوز سايىسقا تۇسكەن جامبىلدىق مۇحتار قونارباەۆ تا ايانىپ قالعان جوق. قىز بەن جىگىت اراسىندا وربىگەن ايتىستا جەرلەسىمىز قارسىلاسىنىڭ ادەمى ازىلدەرىنە ۇتىمدى جاۋاپتار قايتارىپ, ءوزىنىڭ بابىندا ەكەنىن كورسەتە ءبىلدى. سونداي-اق تۇرار رىسقۇلوۆ اۋدانىنىڭ تۋماسى ايتبەك تۇرسىنباي مەن شىعىستىق بيبىگۇل تاۋبالديەۆا, جامبىلدىڭ ۇكىلى ءۇمىتى الينا ايدارالى مەن الماتىلىق اقنيەت جۇبانىش اراسىنداعى ايتىستار دا قازىلاردىڭ كوڭىلىنەن شىقتى.
رەسپۋبليكالىق دەڭگەيدە ۇيىمداستىرىلعان ايتىس الامانىندا ءوڭىر نامىسىن قورعاعان التىنكۇل قاسىمبەكوۆاعا جۇلدەلى ەكىنشى ورىن بۇيىرسا, مۇتار قونارباەۆ ۇزدىك ۇشتىكتى قورىتىندىلادى.
