پرەزيدەنتكە بيىلعى ءبىرىنشى جارتىجىلدىقتاعى باسەكەلەستىك جاعدايى جانە نەگىزگى تاۋار نارىقتارىنداعى باسەكەلەستىككە كەدەرگى كەلتىرەتىن توسقاۋىلدار جونىندە ەسەپ بەرىلدى.
مەملەكەت باسشىسىنا مونوپولياعا قارسى تەرگەۋ امالدارىنىڭ ارالىق ناتيجەلەرى, ەكونوميكانى مونوپوليادان ارىلتۋ جانە باسەكەلەستىكتى دامىتۋ ءۇشىن قابىلدانعان شارالار, سونداي-اق مونوپولياعا قارسى ورگاننىڭ ءرولىن كۇشەيتۋ ماسەلەسى تۋرالى باياندالدى. جىل باسىنان بەرى مونوپولياعا قارسى زاڭنامانى بۇزۋ دەرەكتەرى بويىنشا 48 ءىستى تەرگەۋ اياقتالدى. سونداي-اق 33 ءىس تەرگەلىپ جاتىر. بۇل رەتتە جوسىقسىز نارىق سۋبەكتىلەرىنە 3,5 ميلليارد تەڭگەدەن استام ايىپپۇل سانكتسياسى سالىندى. سوتتىڭ قاراۋىندا 40-تان استام مونوپولياعا قارسى ءىس بار.
كەزدەسۋ سوڭىندا قاسىم-جومارت توقاەۆ ەل ەكونوميكاسىنىڭ نەگىزگى سالالارىن مونوپوليادان ارىلتۋ جونىندەگى كەشەندى شارالاردى جۇزەگە اسىرۋ ءىسىن جالعاستىرۋدى جانە باسەكەلەستىكتى دامىتۋ بويىنشا قوسىمشا ۇسىنىستار دايىنداۋدى تاپسىردى.
