ماڭعىستاۋ وبلىسىندا «سەرگەك» باقىلاۋ جۇيەسى 1 شىلدەدە ىسكە قوسىلعان. 148 بەينەكامەرا 18 شىلدەگە دەيىن تەست رەجيمىندە جۇمىس ىستەدى. قازىر بارلىعى جولداعى زاڭبۇزۋشىلىقتاردى جەدەل تىركەپ جاتىر. مالىمەت بىردەن پروتسەسسينگتىك ورتالىققا كەلىپ تۇسەدى. مۇندا ءار بەينەجازبا 30 كۇن ساقتالادى ەكەن.
«108 كامەرا اقتاۋ قالاسىندا, 40 مۇنايلى اۋدانىندا تۇر. 8 كۇننىڭ ىشىندە «سەرگەك» ارقىلى 2 171 قۇقىقبۇزۋشىلىق دەرەگى انىقتالىپ, 21 ملن 971 مىڭ تەڭگەگە ايىپپۇل سالىنعان. اكىمشىلىك-قۇقىقبۇزۋشىلىق تۋرالى كودەكستىڭ 811-بابىنىڭ, 1-بولىگىنە سايكەس سالىنعان ايىپپۇلدىڭ 7 تاۋلىك ىشىندە 50% تولەۋ مۇمكىندىگى قاراستىرىلعان», دەدى وبلىستىق پد ءاپب ءبولىم باستىعى تيمۋر جۇماليەۆ.
