سينوپتيكتەردىڭ بولجامىنشا, الماتىنىڭ تاۋلى اۋداندارىندا نوسەر جاڭبىر, بۇرشاق جاۋىپ, نايزاعاي وينايدى. نايزاعاي كەزىندە باتىستان سوققان جەلدىڭ ەكپىنى 18-23 م/س بولادى.
«ىلە الاتاۋى» مەملەكەتتىك ۇلتتىق تابيعي پاركىنىڭ حابارلاماسىندا: «قاتتى جاۋىن-شاشىننىڭ تۇسۋىنە بايلانىستى اعىمداعى جاعدايدى ەسكەرە وتىرىپ, تاۋلى جەرلەردە سەلدەردىڭ پايدا بولۋ قاۋپى بار. 28-31 شىلدە كۇندەرى الماراسان, كىماسار, بۋتاكوۆكا, اققايىڭ, اقساي, قاسكەلەڭ, تۇرگەن, ەسىك, مارالساي, قوتىربۇلاق, الماتى قالاسى مەن الماتى وبلىسىنىڭ تاۋ بوكتەرىندەگى اۆتوموبيل جولىمەن قاۋىپتى ايماقتارعا جاياۋ جانە اۆتوكولىكتەر ءۇشىن جول ءجۇرۋ شەكتەلەدى», دەلىنگەن.
