«Samruk-Kazyna Trust» الەۋمەتتىك جوبالاردى قولداۋ قورى, «Qazaqgaz» ءوندىرۋ جانە بارلاۋ جشس دەمەۋشىلىگىمەن اۋىلداعى ورتالىق ساياباق قايتا جاڭعىرتىلىپ, باسكەتبول, ۆولەيبول جانە street workout الاڭشاسى سالىنىپ, حالىق يگىلىگىنە بەرىلدى.
«سوڭعى دەرەكتەرگە سۇيەنسەك, تالاس اۋدانى حالقىنىڭ 40,9 پايىزى تۇراقتى تۇردە بۇقارالىق سپورتپەن شۇعىلدانا باستادى. بۇل, ارينە, كوڭىل قۋانتارلىق ناتيجە ەكەنى داۋسىز. اۋىل بالالارىنىڭ سپورتپەن اينالىسۋى ءۇشىن جەرگىلىكتى اتقارۋشى بيلىك قولۇشىن سوزىپ وتىر. وبلىس اكىمى نۇرجان نۇرجىگىتوۆ تە بۇل ماسەلەنى نازاردان تىس قالدىرعان ەمەس. ويىق اۋىلىنىڭ تۇرعىندارى سپورت الاڭى كەرەكتىگىن بۇرىننان ايتىپ جۇرگەن. بۇگىن, مىنە, دەمەۋشىلىك ەسەبىنەن ولاردىڭ تىلەگى ورىندالىپ وتىر», دەيدى تالاس اۋدانىنىڭ اكىمى نۇربول جۇنىسبەكوۆ.
جاڭادان سالىنعان سپورت الاڭىندا بالالاردىڭ باسكەتبول, ۆولەيبول سەكىلدى سپورت تۇرلەرىمەن ەمىن-ەركىن اينالىسۋىنا بارلىق مۇمكىندىك قاراستىرىلعان. اۋدان اكىمىنىڭ ايتۋىنشا, الاڭدى سالۋ بارىسىندا جەرگىلىكتى اتقارۋشى بيلىك اۋىل جاستارىن عانا ەمەس, جالپى تۇرعىنداردىڭ جاعدايىن جاساۋعا ايرىقشا دەن قويعان. ناتيجەسىندە جايلى ورىندىقتار ورنالاستىرىلىپ, ەلدى مەكەن تۇرعىندارىنىڭ الاڭسىز سەرۋەندەۋى ءۇشىن جايلى ايماق قاراستىرىلىپتى.
