فوتو: senate.parlam.kz
سەناتور تاستوبە اۋىلىنداعى 500-گە جۋىق تۇرعىندى جۇمىسپەن قامتىپ وتىرعان «قىزىلديحان» وندىرىستىك كووپەراتيۆىنىڭ جۇمىسىمەن تانىستى.
ايماقتاعى سۋ ارنالارىنىڭ جۇمىسىنان حاباردار بولعان دەپۋتات بەكبولات ورىنبەكوۆ وڭىردەگى سۋارمالى جەرلەر ماسەلەسى وتكىر ەكەنىن نازارعا الىپ, سۋارۋ تەحنيكاسىن ۋاقىتىلى جانە ساپالى جوندەۋ جۇرگىزۋ وبلىستىڭ دامۋىنا جاڭا سەرپىن بەرەتىنىن اتاپ ءوتتى.
«قازىرگى ۋاقىتتا قر سەناتىنىڭ دەپۋتاتتارى ەلىمىزدىڭ ومىرىندە ەرەكشە ورىن الاتىن اسا ماڭىزدى زاڭداردى قابىلدادى. ەندى قابىلداناتىن زاڭداردىڭ ساپاسىن ارتتىرۋ ماقساتىندا شالعايداعى اۋىلدىق اۋداندارداعى قاراپايىم تۇرعىندارمەن دە پىكىر الماسامىز. اۋدان تۇرعىندارىنىڭ ۇسىنىستارىن ەسكەرە وتىرىپ قابىلداعاندا عانا زاڭ ساپالى بولادى», دەدى دەپۋتات.
سەناتور جۇمىس ساپارى بارىسىندا مويىنقۇم, تالاس, بايزاق اۋداندارىندا جانە تاراز قالاسىندا بولىپ, بىرقاتار الەۋمەتتىك نىسانداردى ارالاپ, حالىقپەن كەزدەستى.
