سەناتور ساپار بارىسىندا بىرقاتار ستراتەگيالىق ماڭىزدى نىساندى ارالادى جانە وڭىردەگى پروبلەمالىق ماسەلەلەرمەن تانىستى.
دەپۋتات سونىمەن قاتار فەرمەرلىك شارۋاشىلىقتاردا دا بولدى جانە اۋىل شارۋاشىلىعى ءونىمىن وندىرۋشىلەردىڭ جۇمىسىمەن تانىستى. وڭىردە تامشىلاتىپ سۋارۋ جۇيەسىن پايدالانىپ جۇمىس ىستەيتىن باۋ-باقشا شارۋاشىلىقتارىنا ەرەكشە ءمان بەرىلىپ وتىر. ولاردىڭ كوپشىلىگى قازىردىڭ وزىندە مەملەكەتتەن سۋبسيديا العان. سەناتور ءوز سوزىندە شارۋالاردىڭ كۇردەلى ماسەلەلەرىن شەشۋدە زاڭنامالىق كومەك كورسەتۋگە دايىن ەكەنىن اتاپ ءوتتى.
* * *
سەناتورلار كوكشەتاۋ قالاسىنىڭ الداعى جىلىتۋ ماۋسىمىنا دايىندىعىمەن تانىستى.
اقمولا وبلىسىنان سايلانعان دەپۋتاتتار نۇرلان بەكەنوۆ پەن تالعات ءجۇنىسوۆ كوكشەتاۋ قالاسىندا بولدى. سەناتورلار قالاداعى بىرقاتار نىساندى ارالادى جانە جىلىتۋ ماۋسىمىنا دايىندىق بارىسىمەن تانىستى.
پارلامەنتشىلەر الداعى جىلۋ ماۋسىمىنا جابدىقتار مەن جىلۋ جەلىسىنىڭ دايىندىعى جانە جوندەۋ جۇمىستارى جۇرگىزىلىپ جاتقان جىلۋ قازاندىقتارىنىڭ جاعدايىنان حاباردار بولدى. سەناتورلار كراسنىي يار اۋىلىنا بارار جولدا ورنالاسقان وقۋ-تاربيە كەشەنى قۇرىلىسىنىڭ بارىسىمەن دە تانىستى.
دەپۋتاتتار مەملەكەتتىك ورگاندارمەن بىرلەسىپ قولعا الىنعان شارالار, ونىڭ ىشىندە ەنەرگەتيكا سالاسىن دامىتۋ جونىندەگى جۇمىستار تۋرالى ايتىپ بەردى.
* * *
پارلامەنت سەناتىنىڭ دەپۋتاتتارى ءالي بەكتاەۆ, مۇرات قادىربەك, اليشەر ساتۆالديەۆ تۇركىستان وبلىسىنىڭ ورداباسى اۋدانىنداعى بىرقاتار ەلدى مەكەندى ارالادى.
سەناتورلار ساپار بارىسىندا وبلىستىڭ بىرقاتار ستراتەگيالىق ماڭىزدى نىساندارى مەن فەرمەرلىك شارۋاشىلىقتارىندا بولدى. پارلامەنتشىلەر اۋداندىق ارداگەرلەر كەڭەسىنىڭ مۇشەلەرىمەن جانە جاستار ۇيىمدارىنىڭ باسشىلارىمەن دە كەزدەستى. تۇرعىندار كەزدەسۋ بارىسىندا سۋ ارناسىنىڭ قۇرىلىسى, ءوندىرىس, اۋىل شارۋاشىلىعى جانە وڭىردەگى الەۋمەتتىك نىسانداردىڭ قۇرىلىسىنا قاتىستى بىرقاتار ماسەلەلەردى كوتەردى.
دەپۋتاتتار ءوز كەزەگىندە كوتەرىلگەن ماسەلەلەر باقىلاۋدا بولاتىنىن جانە ءتيىستى ورگانداردىڭ نازارىنا ۇسىنىلاتىنىن جەتكىزدى.
* * *
سەناتور سۇلتانبەك ماكەجانوۆ وڭىرگە ساپارى اياسىندا الماتى وبلىسىنىڭ تالعار اۋدانىندا ورنالاسقان جىلىجاي كەشەنى جۇمىسىمەن تانىستى.
دەپۋتات وسىندا وسەتىن ءونىمدى ءوسىرۋ مەن ساقتاۋدىڭ, جىلىجايدى دامىتۋ سالاسىنداعى جاڭا تەحنولوگيانى پايدالانۋ بارىسىمەن تانىستى.
كەزدەسۋ كەزىندە وتاندىق جىلىجاي شارۋاشىلىعىن ودان ءارى وركەندەتۋدىڭ پروبلەمالىق ماسەلەلەرى مەن كەلەشەگى تالقىلاندى. وسى سالانى مەملەكەتتىك قولداۋ سالاسى دا قىزۋ تالقىلانعان تاقىرىپتاردىڭ ءبىرى بولدى.
سەناتور بۇل باعىتتا ءتيىستى مەملەكەتتىك ورگاندار, كۆازيمەملەكەتتىك سەكتور دەپۋتاتتىق كورپۋسپەن بىرلەسىپ, مەملەكەتتىك قولداۋ تەتىكتەرىن پىسىقتاپ جاتقانىن اتاپ ءوتتى.
«سەنات ۇكىمەتپەن بىرلەسە وتىرىپ, وتاندىق كاسىپكەرلەرگە قولداۋ كورسەتۋدى جالعاستىرا بەرەدى جانە ىنتىماقتاستىقتىڭ جاڭا نىساندارىن ازىرلەيتىن بولادى», دەپ اتاپ ءوتتى سەناتور.
دەپۋتات كەزدەسۋ سوڭىندا پارلامەنت سەناتىنىڭ ەلىمىزدى الەۋمەتتىك-ەكونوميكالىق دامىتۋعا جانە حالىقتىڭ تابىسىن ارتتىرۋعا باعىتتالعان زاڭ شىعارۋ جۇمىسى تۋرالى ايتىپ بەردى.
