بۇعان دەيىن استانانىڭ باس سانيتارلىق دارىگەرى سارحات بەيسەنوۆا ەلوردادا قىزىلشامەن اۋىرعاندار سانى ارتقانىن ايتقان ەدى.
ايتا كەتسەك, اتالمىش ىندەتتى جۇقتىرۋ دەرەكتەرى كوپتەگەن ەلدەردە بايقالدى, سونى ىشىندە قازاقستاندا دا تىركەلىپ وتىر.
«بيىل 2 مىڭعا جۋىق بالا قىزىلشامەن اۋىردى, ولاردىڭ باسىم كوپشىلىگى ەكپە سالدىرماعان. باستاپقىدا سىرقاتتانۋشىلار شەت ەلدەن جۇقتىرىپ اكەلدى: بالالار باسقا ەلدەرگە دەمالۋعا بارىپ, قىزىلشا جۇقتىرىپ كەلدى, سالدارىنان ەكپە سالدىرماعاندارى دا سىرقاتتانىپ قالدى. العاشقى دەرەكتەر جىلدىڭ باسىندا تۇركيادان, رەسەيدەن تىركەلگەن ەدى, ال قازىر قىزىلشا جۇقتىرعانداردىڭ سانى كۇرت ءوستى», دەپ پىكىر ءبىلدىردى اجار عينيات.
ۆەدومستۆو باسشىسىنىڭ ايتۋىنشا, قىزىلشاعا قارسى ەكپەنى قوسىمشا سالدىرۋدىڭ كەرەگى جوق.
«قىزىلشاعا قارسى ەكپە جەكە سالىنادى, قوسىمشا ەگۋ ناۋقانى جوسپارلانبايدى. ۆاكتسيناتسيا جۇمىستارى بۇرىن ەكپە سالدىرماعان بالالارمەن جۇرگىزىلەدى», دەپ ءتۇسىندىردى دەنساۋلىق ساقتاۋ ءمينيسترى.
وسى تۇستا مينيستر اۋرۋدىڭ ورشۋىنە جول بەرمەۋ ءۇشىن دارىگەرلەر اقپاراتتىق-تۇسىندىرمە جۇمىستارىن جۇرگىزىپ جاتقانىن قوسا ايتتى. دارىگەرلەر ناۋقاس بالالاردى وقشاۋلاۋ جۇمىستارىن جۇرگىزۋىپ, قىزىلشادان قورعانۋداعى ۆاكتسينانىڭ ماڭىزدىلىعىن دا ەسكە سالىپ وتىرادى.
كاريما جۇماعالي,
قورقىت اتا اتىنداعى قىزىلوردا ۋنيۆەرسيتەتىنىڭ ستۋدەنتى
