وندا قوس ەلدىڭ شەكارالىق تەمىرجولدارىنىڭ جۇمىسى دا قارالدى. بيىلعى جارتى جىلدا قازاقستاننان قىتايعا 8,3 ملن توننا ءتۇرلى جۇك جونەلتىلىپتى. بۇل وتكەن جىلدىڭ وسى كەزەڭىمەن سالىستىرعاندا 37 پايىزعا ارتىق.
وتكەن جارتىجىلدىقتا استىق ەكسپورتى ءۇش ەسەگە, 1 ملن تونناعا دەيىن, مەتالل كەنى – 15 پايىزعا, 4 ملن تونناعا دەيىن وسكەن. ونىڭ ىشىندە 2,6 ملن تونناسى – تەمىر كەنى. بۇل – وتكەن جىلعى قاڭتار-ماۋسىم دەڭگەيىنەن 25 پايىزعا ارتىق. سونىمەن قاتار 220 مىڭ توننا ءتۇستى مەتالل ەكسپورتتالىپ, وتكەن جىل كورسەتكىشىمەن سالىستىرعاندا ءوسىم 55 پايىزدى قۇرادى. سونداي-اق وسىمدىك مايىن جونەلتۋ 75 مىڭ تونناعا دەيىن ۇلعايىپ, ءوسىم 70 پايىزعا دەيىن ارتتى.
قىتايدان قازاقستانعا جۇك يمپورتى 2023 جىلعى قاڭتار-ماۋسىمدا 13 پايىزعا, 5,4 ملن تونناعا دەيىن ءوستى. وتكەن جىلدىڭ سايكەس كەزەڭىمەن سالىستىرعاندا جەڭىل اۆتوموبيلدەر – 13, قۇرىلىس جۇكتەرى – 30, ال حيميالىق جۇكتەر 5 پايىزعا كوپ يمپورتتالعان.
ەكى ەل اراسىنداعى تەمىرجول كولىگىمەن تاسىمالداۋ كولەمى 13,7 ملن توننانى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 26 پايىزعا ارتىق.
قوس تاراپتىڭ شەكارا ماڭى ستانسالارى ۇجىمدارىنىڭ بىرلەسكەن شارالارى مەن ۇيلەسىمدى جۇمىسىنىڭ ناتيجەسى قىتايدىڭ شەكارا وتكەلدەرى ارقىلى تەمىرجول كولىگىمەن جۇك تاسىمالداۋ كولەمىن ۇلعايتۋعا ىقپال ەتەدى.
