ۇلتتىق تەستىلەۋ ورتالىعىنىڭ مالىمەتىنشە, جالپى 43 مىڭعا جۋىق ءوتىنىش كەلىپ تۇسكەن.
تەستىلەۋ ۋاقىتى, كۇنى جانە ورنى تۋرالى اقپارات جەكە كابينەت جانە sms-حابارلاما ارقىلى حابارلاندى.
ايتا كەتەيىك, ماگيستراتۋراعا تۇسۋشىلەر 13 مىڭ مەملەكەتتىك ءبىلىم گرانتىنا ۇمىتكەر بولا الادى.
كەشەندى تەستىلەۋدى تاپسىرىپ بولعاننان كەيىن سەرتيفيكاتتى جەكە كابينەتتىڭ «مەنىڭ ءىس-ارەكەتىم» بولىمىندە جۇكتەپ الۋعا بولادى.
ەڭ كوپ تاڭدالعان ءبىلىم بەرۋ باعىتتارى - «پەداگوگيكالىق عىلىمدار», «ينجەنەرلىك, وڭدەۋ جانە قۇرىلىس سالالارى», «بيزنەس, باسقارۋ جانە قۇقىق».
«بارلىق ۇمىتكەرلەر ءۇشىن تىركەۋ ءبىر جارىم اي جۇرگىزىلدى. تىركەلۋ بارىسىندا وقۋعا ءتۇسۋشى تەستىلەۋ ورنىن ءوزى تاڭدادى. ەمتيحان بۇگىن باستالىپ, 10 تامىزعا دەيىن جالعاسادى», دەيدى ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆ.
گرانت كونكۋرسىنا قۇجات 11-14 تامىز ارالىعىندا قابىلدانادى.
ال گرانت يەگەرلەرىنىڭ ءتىزىمى 26 تامىزعا دەيىن جاريالانادى.
