وسىلايشا ازاماتتارعا اۆتوكولىكتەرمەن تۋىنداعان زاڭدى ماسەلەلەردى شەشۋ جانە ولاردى قۇقىقتىق سالاعا ەنگىزۋ ءۇشىن ۋاقىت بەرىلىپ وتىر.
ۋاقىتشا تىركەۋ ءۇشىن كولىك قۇرالدارىنىڭ يەلەرى «ۋاقىتشا تىركەۋ» تىزىمىنە اۆتوكولىكتىڭ VIN-كودىن ەنگىزۋ ءۇشىن وتىنىشپەن جانە راستايتىن قۇجاتتارىمەن اكىمشىلىك پوليتسيا باسقارماسىنىڭ پروتسەسسينگتىك ورتالىعىنا جۇگىنۋى قاجەت.
«ۋاقىتشا تىركەۋ» تىزىمىنە ەنگىزگەننەن كەيىن كولىك قۇرالىنىڭ يەسى ەلەكتروندى ۇكىمەت پورتالى ارقىلى كولىكتى تىركەۋگە ءوتىنىم بەرەدى.
سودان كەيىن 10 مينۋت ىشىندە اۆتوماتتى تۇردە تەكسەرۋ جۇزەگە اسىرىلادى.
وڭ ناتيجە بولعان جاعدايدا كولىك يەسىنىڭ جەكە كابينەتىنە ءساتتى تەكسەرۋ تۋرالى جانە مەملەكەتتىك كورپوراتسيا جانىنداعى تەكسەرۋ پۋنكتىنە كولىك قۇرالىن ۇسىنۋ قاجەتتىگى تۋرالى حابارلاما جىبەرىلەدى.
تەكسەرۋ پۋنكتىندە كريميناليست 15 مينۋت ىشىندە كولىك قۇرالىنىڭ نومىرلىك اگرەگاتتارىن سالىستىرىپ تەكسەرەدى.
تەكسەرۋ ناتيجەلەرى وڭ بولعان كەزدە كولىك يەسى ەلەكتروندىق كەزەك بويىنشا مەملەكەتتىك كورپوراتسيا قىزمەتكەرىنە اۆتوكولىكتى تىركەۋگە قۇجاتتاردى تاپسىرۋ ءۇشىن جولدانادى, ول جەردە مەملەكەتتىك ءنومىر(9 660 تگ) مەن مەملەكەتتىك تىركەۋ قۇجاتى (4 313 تگ) ءۇشىن مەملەكەتتىك باج تولەپ, كولىك قۇرالىن بەس جىلعا تىركەۋ, سونىمەن قاتار كورسەتىلگەن مەرزىم وتكەننەن كەيىن ونى كەرى اكەتۋ تۋرالى مىندەتتەمەگە قول قويادى.
«اتاپ ءوتۋ قاجەت, تىركەۋ قۇجاتتارىنىڭ تۇپنۇسقالارى جانە مەملەكەتتىك تىركەۋ نومىرلىك بەلگىلەرى كولىك قۇرالىنىڭ تىركەلگەن جەرى بويىنشا مەملەكەتتىك كورپوراتسيا فيليالىندا ۋاقىتشا تىركەۋ مەرزىمى وتكەنگە دەيىن ساقتالادى», دەدى قر ءىىم اپك باسقارما باستىعى ورىنباسارىنىڭ مىندەتىن اتقارۋشى التىنبەك جاماليەۆ.
تىركەۋ تۋرالى كۋالىكتىڭ ايرىقشا بەلگىسىندە قازاقستان رەسپۋبليكاسىنان تىس جەرلەرگە شىعۋ جانە يەلىكتەن شىعارۋ قۇقىعىنسىز دەگەن جازبا, تىركەۋدىڭ قولدانىلۋ مەرزىمى, سونداي-اق اۆتوكولىكتىڭ بۇرىنعى شەتەلدىك يەسىنىڭ دەرەكتەرى كورسەتىلەدى.
ۋاقىتشا ەسەپكە الۋ مەرزىمى وتكەننەن كەيىن كولىك قۇرالىنا قاتىستى مەملەكەتتىك تىركەۋ اۆتوماتتى تۇردە توقتاتىلادى.
ەگەر قازاقستان ازاماتتارى اتالعان اۆتوكولىكتەردى ەلدەن تىس جەرلەرگە اكەتۋگە شەشىم قابىلداسا, ولار قازاقستان رەسپۋبليكاسىنىڭ تىركەۋ قۇجاتتارى مەن مەملەكەتتىك نومىرلەرىن تاپسىرۋعا ءتيىس, سودان كەيىن ولارعا شەت مەملەكەتتىڭ تىركەۋ قۇجاتتارى مەن مەملەكەتتىك نومىرلەرى قايتارىلاتىن بولادى.
ەگەر اۆتوكولىكتەر بۇرىنعى تىركەلگەن ەلىندە ەسەپتەن شىعارىلسا جانە قازاقستاندىقتار ولاردى ەلدە تىركەۋدى جۇزەگە اسىرۋ تۋرالى شەشىم قابىلداسا, وندا ولارعا 200 000 تەڭگە مولشەرىندە باستاپقى تىركەۋ الىمىن تولەۋمەن جانە ۋتيليزاتسيالىق الىمسىز زاڭداستىرۋ شارتتارى قولدانىلاتىن بولادى.
