استانا ۋاقىتى بويىنشا 15:09-دا ۆاليۋتا باعامى 26,9495 ليراعا جەتتى.
تۇركيادا وتكەن جىلدىڭ قازان ايىندا جىلدىق ينفلياتسيا 24 جىلدىڭ ەڭ جوعارى دەڭگەيىنە كوتەرىلىپ, 85,51 پايىزدى قۇرادى, بۇل نەگىزىنەن تۇرىك ليراسىنىڭ تومەن مولشەرلەمە ساياساتى سالدارىنان تۇراقتى قۇنسىزدانۋىنىڭ ناتيجەسى.
تۇركستات ستاتيستيكالىق ينستيتۋتى حابارلاعانداي, جىلدىق ينفلياتسيا 2023 جىلدىڭ ماۋسىم ايىندا وتكەن ايداعى 39,59%-دان 38,21-گە دەيىن تومەندەدى, بۇل - 2021 جىلدىڭ جەلتوقسان ايىنان بەرگى ەڭ تومەنگى دەڭگەي.
تۇركيانىڭ ورتالىق بانكى ماۋسىم ايىندا نەگىزگى مولشەرلەمەسىن 650 بازيستىك تارماققا كوتەرىپ, ينفلياتسيا بولجامىن ايتارلىقتاي جاقسارتۋعا قول جەتكىزگەنشە قاتاڭداتۋدى جالعاستىرۋعا ۋادە بەردى.
تۇركيانىڭ ورتالىق بانكى وسى اپتادا نەگىزگى مولشەرلەمەسىن 500 بازيستىك تارماققا كوتەرىپ, 20 پايىزعا دەيىن كوتەرەدى دەپ جوسپارلانىپ وتىر. ورتالىق بانك ءوزىنىڭ پايىزدىق مولشەرلەمەسى تۋرالى شەشىمىن بەيسەنبى, 20 شىلدەدە جاريالايدى.
