جاپونيادا وتەتىن EXPO 2025 كورمەسىنە دايىندىقتى باستاپ كەتتىك. قازىر ۇيىمداستىرۋ ماسەلەلەرى مەن «ومىرلەردى قۇتقارۋ» تاقىرىپتىق كلاستەرىندە ورنالاساتىن پاۆيلونىمىزدى تولىق پىسىقتاپ جاتىرمىز. ونىڭ باستالۋىنا ءالى ەكى جىل بار بولعانىمەن, ءىس جۇزىندە ۋاقىت از قالدى. كورمە 2025 جىلى 13 ساۋىردە اشىلىپ, 13 قازاندا اياقتالادى. ۇيىمداستىرۋشىلاردىڭ بولجامىنشا, كورمەگە الەمنىڭ 150 ەلىنەن 28 ميلليوننان استام ادام كەلىپ, 25 حالىقارالىق ۇيىم وكىلى قاتىسپاق, – دەپ اتاپ ءوتتى د.ەركىمباەۆ.
ەسكە سالا كەتەيىك, EXPO 2025 وتەتىن ورىن وساكاداعى يۋمەشيما جاساندى ارالى بولىپ بەلگىلەندى. ء«بىزدىڭ ءومىرىمىز ءۇشىن بولاشاق قوعامىن قۇرۋ» دەپ اتالعان كورمە «ومىرلەردى قۇتقارۋ», «قۇقىق پەن مۇمكىندىكتەردى كەڭەيتۋ» جانە «ومىرلەردى بىرىكتىرۋ» اتتى ءۇش تاقىرىپقا بولىنگەن. كورمەنىڭ جالپى اۋدانى شامامەن 155 گا قۇرايدى. قازاقستان پاۆيلونى يتاليا, نيدەرلاند, سينگاپۋر جانە بولگاريا پاۆيلوندارىمەن كورشىلەس ورنالاسادى.
