تەمىرتاۋ مەن «ارسەلورميتتال تەمىرتاۋ» مەتاللۋرگيالىق كومبيناتى ءبىر-بىرىمەن تىعىز بايلانىستى. قالانىڭ كەز كەلگەن وتباسىسى مەتاللۋرگ كۇنىن ءوزىنىڭ ءتول مەرەكەسى سانايدى.
15 شىلدەدە «ارسەلورميتتال تەمىرتاۋ» كومپانياسى تەمىرتاۋ تۇرعىندارى مەن قالا قوناقتارى ءۇشىن مەتاللۋرگتەر كۇنىنە وراي مەرەكە ۇيىمداستىردى. تەمىرتاۋدا مۇنداي اۋقىمدى ويىن-ساۋىق كوپتەن بەرى بولعان جوق.
وسى كەشتە «ارسەلورميتتال تەمىرتاۋ» اق باس ديرەكتورى ۆلاديمير يابلونسكي مەن تەمىرتاۋ قالاسىنىڭ اكىمى وراز تاۋربەكوۆ مەتاللۋرگتەر اتىنا اسا جىلى لەبىزدەرىن ءبىلدىردى.
«قۇرمەتتى ارىپتەستەر, مەتاللۋرگتەر, سىزدەردى كاسىبي مەرەكە – مەتاللۋرگتەر كۇنىمەن قۇتتىقتايمىز! مەتاللۋرگ ماماندىعى ەرەكشە مىنەزدى, لەگيرلەنگەن بولاتتىڭ ەڭ جاقسى قاسيەتتەرىن بويعا سىڭىرگەن مىنەزدى تالاپ ەتەدى. ءبىزدىڭ قالادا بۇل ەرەكشە كۇن. ول بارشامىزدى بىرىكتىرەدى. وسى كومبيناتتى سالعانداردىڭ, العاشقى مەتالدى وندىرگەندەردىڭ, داعدارىستان, قايتا قۇرۋ كەزەڭىنەن ءوتىپ, وسى كاسىپورىندى ساقتاپ قالعانداردىڭ جانە قازىر «ارسەلورميتتال تەمىرتاۋ» اق كاسىپورنىندا جۇمىس ىستەيتىندەردىڭ بارلىعىنا ايرىقشا قۇرمەت بىلدىرگىم كەلەدى. بۇگىن – سىزدەردى قۇتتىقتاپ, راحمەت ايتۋ ءۇشىن ەڭ جاقسى كۇننىڭ ءبىرى. مەن دە ءوزىمنىڭ مەتاللۋرگ ەكەنىمدى ماقتان تۇتامىن جانە وسىنداي ۇلكەن تەمىرتاۋ وتباسىسىنىڭ, مەتاللۋرگتەر وتباسىسىنىڭ مۇشەسى دەپ سانايمىن. سىزدەر – ءبىزدىڭ بولاشاق جەڭىستەرىمىز بەن بارلىق تابىستارىمىزدىڭ نەگىزىسىزدەر. سىزدەرگە قاۋىپسىز ەڭبەك, قۇت-بەرەكە جانە زور دەنساۋلىق تىلەيمىن. مەيرام قۇتتى بولسىن!», دەدى ۆلاديمير يابلونسكي.
تەمىرتاۋ قالاسىنىڭ اكىمى وراز تاۋربەكوۆ «ارسەلورميتتال تەمىرتاۋ» اق مەتاللۋرگيالىق كومبيناتى – قاراعاندى وبلىسىنىڭ جانە بۇكىل ەلدىڭ ماقتانىشى ەكەنىن اتاپ ءوتتى.
ء«بىزدىڭ قالا ونەركاسىپ الپاۋىتى جانە رەسپۋبليكامىزدىڭ دامىعان ونەركاسىپتىك وڭىرلەرىنىڭ ءبىرى بولىپ سانالادى. ءبىز ءۇشىن مەتاللۋرگيا كومبيناتى – قالا قۇراۋشى كاسىپورىن عانا ەمەس, سونىمەن قاتار ءبىزدىڭ ەكونوميكامىزدىڭ, ءوڭىرىمىزدىڭ جانە ەلىمىزدىڭ ەكونوميكاسىنىڭ لوكوموتيۆى بولىپ سانالادى. سىزدەرگە كاسىبي قىزمەتتەرىڭىزدە جاڭا جەڭىستەر مەن جەتىستىكتەر تىلەيمىن. ءبىزدىڭ قازاقستاننىڭ ماگنيتكاسى وركەندەي بەرسىن, قالامىز دا كوركەيە بەرسىن!», دەدى وراز تاۋربەكوۆ.
سونداي-اق وسى كۇنى مەتاللۋرگتەردى «جاقتاۋ» مەتاللۋرگتەر كاسىپوداعىنىڭ توراعاسى ۆيكتور ششەتينين, تەمىرتاۋ قالاسى ءماسليحاتىنىڭ توراعاسى الەكسەي لوماكين قۇتتىقتادى.
مەتاللۋرگيا كومبيناتىنىڭ ۇزدىك 20 قىزمەتكەرى مەملەكەتتىك ناگرادا – «ەڭبەك داڭقى» وردەنىمەن ماراپاتتالدى.
«مەن وتە قۋانىشتىمىن! مەرەكە كەرەمەت, ال اندەر – ءبىزدىڭ جاستىق شاعىمىزعا دەگەن ساعىنىشىمىز. «اپرەل» توبى ولاردى تاماشا ورىندادى. مەرەكە وتە جاقسى ۇيىمداستىرىلعان. مەن وسى وقيعانىڭ ءبىر بولىگى بولعانىما ريزامىن. ويتكەنى, مۇنداي جوعارى ناگرادانى كوپ ادام المايدى. مەنىڭ ەڭبەگىمدى باسشىلىعىمىز بەن قازاقستان ۇكىمەتى اتاپ وتكەنىن ماقتانىش ەتەمىن», - دەدى III دارەجەلى «ەڭبەك داڭقى» وردەنىنىڭ يەگەرى, «ارسەلورميتتال تەمىرتاۋ» اق كوكس-حيميا زەرتحاناسىنىڭ ءبىرىنشى ساناتتى ينجەنەرى سۆەتلانا لەونوۆا.
بىراق مەتاللۋرگتەر ءۇشىن توسىنسىيلار مۇنىمەن بىتكەن جوق. كومبينات قىزمەتكەرلەرى اراسىندا 49 ۆەلوسيپەد ۇتىسقا قويىلدى. ۇتىس ويىنىن «ارسەلورميتتال تەمىرتاۋ» اق باس ديرەكتورى ۆلاديمير يابلونسكيدىڭ ءوزى وتكىزدى. ال 50-ءشى جۇلدە «Haval» كولىگى بولدى. «ارسەلورميتتال تەمىرتاۋ» اق جوندەۋ-مەحانيكالىق زاۋىتىنىڭ شەبەرى سايا جاكين ونىڭ باقىتتى يەگەرى اتاندى. ول العاشقى ساتتە وزىنە وسىنداي ولجا بۇيىرعانىنا ءتىپتى سەنگەن دە جوق. سايا جامانباي ۇلى كومبيناتتا 30 جىلدان استام جۇمىس ىستەيدى. قۇرمەتتى دەمالىسقا شىعۋىنا از-اق ۋاقىت قالدى. مۇنداي جۇلدەنى جەڭىپ الۋ ول ءۇشىن ناعىز قۋانىش بولدى.
- «ارسەلورميتتال تەمىرتاۋ» كومپانياسىنا وسىنداي مەرەكە ءۇشىن, وسىنداي سىيلىق ءۇشىن العىس ايتقىم كەلەدى. ماعان بارلىق دوستارىم, ارىپتەستەرىم, تۋىستارىم قوڭىراۋ شالىپ, قۇتتىقتاپ جاتىر. كەي بىرەۋى مەنىڭ ءوزىم سياقتى ءالى دە سەنبەي جاتىر. بىراق بۇل راس! مەن ادىلەتتىلىككە جانە ءوز كومپانيامعا سەنەمىن, - دەدى سايا جاكين.
كەش بويى مەتاللۋرگتەردى ساحنادان تەمىرتاۋ شىعارماشىلىق ۇجىمدارى قۇتتىقتادى. جينالعاندارعا ۇسىنىلعان تاعى ءبىر سىيلىق – سادراددين, ميراس جۋگىنىسوۆ جانە اتى اڭىزعا اينالعان «دوس-مۇقاسان» توبىنىڭ ونەر كورسەتۋى.
«مەرەكە عاجاپ! اسىرەسە «دوس-مۇقاسان» توبى ءبىزدىڭ جاستىق شاعىمىزدى ەسكە ءتۇسردى. مەن مەتاللۋرگيا كومبيناتىندا جۇمىس ىستەدىم, قازىر زەينەتكەرمىن. بارلىق مەتاللۋرگكە مىقتى دەنساۋلىق پەن بەيبىت اسپان تىلەيمىن», دەدى قالا تۇرعىنى ليديا فايزۋلينا.
«كوڭىل كۇيىمىز تاماشا, اتموسفەرا كەرەمەت! مەرەكە ايقىن سەزىلەدى. بۇل ادامداردى بىرىكتىرەدى جانە كوڭىل-كۇيدى كوتەرەدى. مەتاللۋرگتەردى قۇتتىقتاپ, ولارعا وسى كۇنى عانا ەمەس, ءومىر بويى زور دەنساۋلىق, باقىت جانە بار جاقسىلىقتى تىلەيمىن», دەدى «ارسەلورميتتال تەمىرتاۋ» اق لپتس-3 تەرميستى يۆان ۆاسكوۆسكي.
تەمىرتاۋدىڭ كەشكى اسپانىن نۇرلاندىرعان مەرەكەلىك ساليۋت كەشتىڭ جارقىن اياقتالۋى بولدى.
