17 شىلدەدە «بولاشاق» باعدارلاماسى اياسىندا قۇجاتتاردى قابىلداۋدىڭ ءتورتىنشى لەگى باستالدى. قۇجات قابىلداۋ 2023 جىلعى 15 قىركۇيەككە دەيىن جالعاسادى.
2023 جىلى ماگيستراتۋرا جانە رەزيدەنتۋرا باعدارلامالارىنا 395 ستيپەنديا, دوكتورانتۋراعا 50 ستيپەنديا, تاعىلىمدامادان ءوتۋ ءۇشىن 110 ستيپەنديا ءبولىندى.
ايتا كەتەيىك, «بولاشاق» باعدارلاماسى اياسىندا ينجەنەرلىك-تەحنيكالىق كادرلاردى دايارلاۋعا باسىمدىق بەرىلەدى. ۇمىتكەرلەردى قولداۋ ءۇشىن «ينجەنەرلىك-تەحنيكالىق قىزمەتكەرلەر» جاڭا جەڭىلدىك ساناتى ەنگىزىلدى. سونىمەن قاتار حالىقارالىق باعدارلامالار ورتالىعىنىڭ باستاماسىمەن مەديتسينالىق قىزمەتكەرلەردى ىرىكتەۋ قاعيدالارى جەتىلدىرىلدى.
اتالعان وزگەرتۋلەردىڭ ارقاسىندا قازاقستاندىق دارىگەرلەر مەن تەحنيكالىق قىزمەتكەرلەر مەرزىمى 12 ايعا دەيىنگى تەگىن تىلدىك دايىندىقتان وتە الادى.