قازاقستاندا قر اقپارات جانە قوعامدىق دامۋ مينيسترلىگىنىڭ قولداۋىمەن رەسپۋبليكالىق «Alayaq.net» جاستار قوزعالىسى قارقىن الىپ جاتىر. جاڭا جوبا جاستاردىڭ قارجىلىق ساۋاتتىلىعىن ارتتىرۋعا, جەلىدەگى الاياقتىق جاعدايلارىنىڭ الدىن الۋعا, ينتەرنەت-الاياقتىققا قارسى كۇرەستە جاستار مەن مەملەكەتتىك ورگانداردى, بانك سەكتورىن جۇمىلدىرۋعا باعىتتالعان.
2024 جىلدىڭ سوڭىنا دەيىن ىسكە اسىرىلاتىن جوبا شەڭبەرىندە «مەديتسينا جاستارى» قوعامدىق بىرلەستىگى الاياقتىق سحەمالاردىڭ الدىن الۋ جانە جاستاردىڭ قارجىلىق ساۋاتتىلىعىن ارتتىرۋ جونىندەگى «Alayaq.net» ينتەرنەت-پورتالىنىڭ جۇمىسىن ۇيىمداستىردى.
ء«بىز الاياقتاردان قورعانۋدىڭ جولدارى تۋرالى پايدالى اقپاراتتى, ءتۇرلى الاياقتىق سحەمالاردى اشكەرەلەيتىن بەينەروليكتەردى ۇسىندىق. مۇندا ادال بلوگەرلەردىڭ تىزىمدەرىمەن تانىسۋعا دا بولادى. سونداي-اق بەلگىلى ءبىر ينفليۋەنسەردىڭ قارا تىزىمدە بار-جوعىن تەكسەرۋ مۇمكىندىگى دە قاراستىرىلعان. ەڭ باستىسى, ءبىزدىڭ پورتالدىڭ كومەگىمەن ازاماتتار ينتەرنەتتەگى الاياقتىق فاكتىلەرى تۋرالى حابارلاي الادى, «Alayaq.net» رەسپۋبليكالىق جاستار قوزعالىسىنىڭ مۇشەسى اتانىپ, الاياقتىقپەن كۇرەسكە ءوز ۇلەسىن قوسا الادى», دەدى جوبا جەتەكشىسى ابىلايحان ءابدىراش.
ونىڭ ايتۋىنشا, جوبا ۇيىمداستىرۋشىلارى كەلىپ تۇسكەن بارلىق وتىنىمدەر بويىنشا تەگىن كونسۋلتاتسيالىق كومەك كورسەتەدى.
بۇگىندە جوبا ۇيىمداستىرۋشىلارى مىڭنان استام ءوتىنىمدى قابىلداپ, وڭدەگەن.
