دەپۋتاتتار جەو-دا جوندەۋ-قالپىنا كەلتىرۋ جۇمىستارى ءجۇرىپ جاتقان ۋچاسكەلەردى قاراپ, جىلۋ بەرۋ ماۋسىمىنا دايىندىق ۇدەرىسىنە كۋا بولدى.
ستانتسيادا بارلىق 10 قازاندىقتى جوندەۋ قاراستىرىلعان, ونىڭ ىشىندە 8 قازاندىقتا كۇردەلى جوندەۋ جۇمىستارى جاسالاتىن بولدى. سۋ جىلىتاتىن 5 قازاندىققا بيۋدجەت قارجىسى ەسەبىنەن كۇردەلى جوندەۋ جۇرگىزىلەدى. سونداي-اق 5 ەنەرگەتيكالىق قازاندىقتى, قوسالقى جابدىقتاردى, عيماراتتار مەن قۇرىلىستاردى كۇردەلى جانە اعىمداعى جوندەۋ جۇمىستارىن جاساۋ جوسپارلانىپ وتىر.
«№7 جانە №9 قازاندىقتاردى جوندەۋ 1 شىلدەدە اياقتالدى. №6 ەنەرگەتيكالىق قازاندىق پەن سۋ جىلىتاتىن 5 قازاندىقتا جوندەۋ جۇمىستارى جالعاسۋدا. ول جۇمىستار 18 تامىزدا اياقتالادى. №11, 14, 15 سۋ جىلىتۋ قازاندىقتارىندا بولشەكتەۋ جۇمىستارى اياقتالدى. بۇل ماسەلەنى ءبىز باقىلاۋدا ۇستايمىز», دەپ اتاپ ءوتتى سەناتورلار.
