قوستاناي وبلىسىنىڭ پوليتسياسىنا قوستاناي قالاسىنىڭ 6 تۇرعىنىنان ء«سىزدىڭ قىزىڭىز جول كولىك وقيعاسىنا ءتۇستى» دەگەن ءداستۇرلى سحەمانى پايدالانا وتىرىپ, ولاردى الاياقتار الداعانى تۋرالى ارىز كەلىپ ءتۇستى. زالال سوماسى 20 ملن تەڭگەدەن استى.
بارلىق وتىنىشتەر بويىنشا قر قك-ءنىڭ 190-بابى 3-بولىگى (الاياقتىق) بويىنشا سوتقا دەيىنگى تەرگەۋ باستالدى.
تەرگەۋگە «Cyberpol» بولىمشەسى مەن قوستاناي قالاسى پوليتسيا باسقارماسىنىڭ قىزمەتكەرلەرى كىرىستى.
«جەدەل-تەرگەۋ ءىس-قيمىلدارىن جۇرگىزۋ كەزىندە وبلىس ورتالىنىڭ 6 تۇرعىنى زارداپ شەككەنى انىقتالدى. ولاردىڭ بارلىعى زەينەتكەرلىك جانە زەينەتكەرلىك جاسقا دەيىنگى ادامدار. ولارعا ءۇي تەلەفونىنا قوڭىراۋلار كەلىپ, بەلگىسىز ادامدار تۋىستارىنىڭ اپاتقا ۇشىراعانىن حابارلاعان. الاياقتار قولدا بار اقشانى بەرۋدى سۇراعان», دەدى «CyberPol» بولىمشەسىنىڭ قىزمەتكەرى ولجاس ماعىپاروۆ.
سونىمەن بىرگە جابىرلەنۋشىلەر ولاردىڭ ۇيىنە كەلىپ وتىرعان قىزعا اقشا بەرگەن. ونىڭ سىرتقى كەلبەتى تۋرالى سيپاتتامالار ءار ءتۇرلى بولدى. ول جاساندى شاش اۋىستىرىپ وتىرعان. ونىڭ ۇستىنە قارا كوزىلدىرىكتى جانە ءار ءتۇرلى باس كيىمدەردى قولدانعان.
«الاياق قوستاناي قالاسىنداعى قوناق ۇيلەردىڭ بىرىندە ليۋكس نومىرىندە ۇستالدى. ودان 800 مىڭ تەڭگە سوماسىندا اقشا الىندى. ول قالعان قاراجاتتى قىمبات تەلەفون, زاتتار مەن ويىن-ساۋىق قۇرالدارىن ساتىپ الۋعا جۇمساعان», دەدى ولجاس ماعىپاروۆ.
قازىرگى ۋاقىتتا كۇدىكتى قر قىجك-ءنىڭ 128-بابى تارتىبىمەن ۋۇي-عا قامالدى.
