پرەزيدەنتكە توتەنشە جاعدايلار مينيسترلىگىنىڭ اتقارىپ جاتقان جۇمىستارى مەن جوسپارى جونىندە باياندالدى.
مەملەكەت باسشىسىنا مينيسترلىكتە الداعى ۋاقىتتا جۇزەگە اسىرىلاتىن ترانسفورماتسيا جانە قوعامدا قاۋىپسىزدىك مادەنيەتىن قالىپتاستىرۋ جۇمىستارى تۋرالى مالىمەت بەرىلدى.
ءمينيستردىڭ ايتۋىنشا, توتەنشە جاعدايلاردىڭ سانى مەن اۋقىمى ۇلعايعان جاعدايدا ازاماتتىق قورعاۋدىڭ مەملەكەتتىك جۇيەسىن توتەنشە جاعدايدىڭ سالدارىن جويۋدان بۇرىن ونىڭ الدىن الۋعا باعدارلاۋ كوزدەلىپ وتىر.
سونىمەن قاتار پرەزيدەنتكە قۇتقارۋ بولىمشەلەرىنىڭ ماتەريالدىق-تەحنيكالىق بازاسىن جاراقتاندىرۋ جانە تسيفرلاندىرۋ ءىسىن نىعايتۋ, سونداي-اق قۇتقارۋشىلار مەن ءورت سوندىرۋشىلەردىڭ كادرلىق الەۋەتىن ارتتىرۋ, ولاردى الەۋمەتتىك قورعاۋ شارالارىن كۇشەيتۋ جونىندە اقپارات بەرىلدى.
سىرىم ءشارىپحانوۆ حالىقتى الدىن الا قورعاۋعا قاجەتتى جاعداي جاساۋ ماقساتىندا قولدانىستاعى نورماتيۆتىك-قۇقىقتىق اكتىلەرگە وزگەرىستەر مەن تولىقتىرۋلار ەنگىزۋگە ايرىقشا ءمان بەرىلىپ وتىرعانىن ايتتى.
كەزدەسۋ سوڭىندا قاسىم-جومارت توقاەۆ مينيسترلىككە توتەنشە جاعدايلاردىڭ سانىن ازايتۋ, سونداي-اق ازاماتتاردىڭ قاۋىپسىزدىگىن قامتاماسىز ەتۋگە باعىتتالعان شارالار كەشەنىن جۇزەگە اسىرۋ جونىندە تاپسىرما بەردى.
