ء«ىرى قالادا حالىقتىڭ تۇرمىس ساپاسىنا قوعامدىق كولىك پەن جول كەپتەلىسى تىكەلەي اسەر ەتەدى. سوندىقتان, كولىك ينفراقۇرىلىمىن دامىتۋدىڭ ايرىقشا ءمانى بار. جۋىردا الماتىعا جاساعان ساپارىم بارىسىندا قوعامدىق كولىكتى جانە ەلەكتروندى بيلەت ساتۋ جۇيەسىن باسقارۋ ورتالىعىنىڭ جۇمىسىمەن تانىستىم. بۇل سالاداعى تسيفرلاندىرۋ ءىسى ءوزىنىڭ تيىمدىلىگى جوعارى ەكەنىن كورسەتىپ وتىر. سوندىقتان ەلوردا اكىمىنە الماتىنىڭ وڭ تاجىريبەسىن ەسكەرە وتىرىپ, قوعامدىق كولىكتى ديسپەتچەرلىك باسقارۋ جۇيەسىن قولدانىسقا ەنگىزۋدى جانە دامىتۋدى تاپسىرامىن», دەدى مەملەكەت باسشىسى.
سونداي-اق پرەزيدەنت LRT-عا قاتىستى جۇمىستى تەزدەتىپ اياقتاۋدى تاپسىردى.
«ناقتى مەرزىمدەر ايقىندالدى. تۇرعىندارعا ۋادە بەرىلدى. ەندى وسى جوبانى دەر كەزىندە اياقتاۋ كەرەك. بۇل جۇمىسقا ءبىراز قاراجات ءبولىندى. بىراق, ناقتى ناتيجە جوق. كولىك ماسەلەسىن شەشۋدى سوزا بەرسەك, قالا كەپتەلىستەن كوز اشپايدى. بۇل ۇلكەن داعدارىس تۋدىرۋى مۇمكىن. سوندىقتان, ماسەلەنى وڭتايلى شەشۋ قاجەت. ايتپەسە, ەكونوميكالىق شىعىنعا تاپ بولامىز. ادامدار ۋاقىت جوعالتادى, قالاعا ەكولوگيالىق زيان كەلەدى. كولىك سالاسىنداعى جاعدايدىڭ ۋشىعۋىنا كوشى-قون ماسەلەسى دە ىقپال ەتىپ وتىر», دەدى ق.توقاەۆ.
سونىمەن قاتار ەل پرەزيدەنتى كوشى-قون ۇدەرىسىن ءتيىمدى رەتتەپ, پارمەندى شارالار قابىلداۋ كەرەك ەكەنىن اتاپ ءوتتى.
«جىل سايىن استاناعا 50-60 مىڭ ادام كەلەدى. بۇدان بولەك, كۇن سايىن جاقىن ماڭداعى ەلدى مەكەندەردەن 150 مىڭ ادام كەلىپ كەتەدى. مۇنىڭ ءبارى ينجەنەرلىك جانە الەۋمەتتىك ينفراقۇرىلىمعا ايتارلىقتاي سالماق تۇسىرەدى. نەگىزىنەن, كوپ ادام قالاعا جاقىن جەرلەردەن جۇمىس ىستەۋگە كەلەدى. سوندىقتان بۇل سالانى ناقتى رەتتەپ, باقىلاۋ كۇشەيتىلۋگە ءتيىس», دەدى پرەزيدەنت.
