جىل باسىنان بەرى وڭىردە كوشى-قون زاڭناماسىن بۇزعانى ءۇشىن 2694 ادام جاۋاپكەرشىلىككە تارتىلدى. ءتارتىپ بۇزۋشىلاردىڭ جالپى سانىنان 696 شەتەل ازاماتى بولسا, 1998-ءى - قازاقستاندىقتار.
«بيىل ءبىزدىڭ دەرەكتەرىمىز بويىنشا وبلىس اۋماعىنا 5520 شەتەلدىك ازامات كىردى, ولار كوشى-قون قىزمەتى بولىمشەلەرىندە تىركەلگەن. ونىڭ ىشىندە الىس شەتەلدەردىڭ تۇرعىندارى – 318, تمد ەلدەرىنەن – 5202. ايماققا كوبىنەسە وزبەكستان ازاماتتارى كەلدى, ولاردىڭ سانى 4633 ادام, سونداي-اق 375 رەسەي جانە 277 قحر ازاماتتارى. سونىمەن قاتار 248 شەتەلدىك, نەگىزىنەن قحر ازاماتتارى, ۆيزالارىن زاڭدى تۇردە ۇزارتىپ, تىركەۋ جانە حابارلاما ارقىلى وبلىس اۋماعىندا تىركەلدى», دەپ حابارلادى وبلىستىق كوشى-قون قىزمەتى باسقارماسى.
كوشى-قون جەلىسى بويىنشا زاڭ بۇزۋشىلىقتار نەگىزىنەن جوسپارلانعان پروفيلاكتيكالىق ءىس-شارالار بارىسىندا انىقتالادى. شەتەلدىك جۇمىس كۇشى ءجيى پايدالانىلاتىن بازارلارعا, قۇرىلىستارعا جانە باسقا دا وبەكتىلەرگە اسا نازار اۋدارىلادى. شەتەلدىك ازاماتتاردىڭ ۋاقىتشا تۇرعىلىقتى جەرى, تىركەلگەنى, كەلۋ ماقساتى جانە ت.ب. تەكسەرىلەدى. ياعني, ولاردىڭ وبلىسقا تۋريست نەمەسە ەڭبەك ميگرانتتارى رەتىندە نەمەسە باسقا دا سەبەپتەرمەن كەلگەنى دە مۇقيات تەكسەرىلەدى. وتانداستار اراسىندا دا كوشى-قون زاڭناماسىن بۇزۋ فاكتىلەرى انىقتالدى.
«قازىر مارتەبەسىن زاڭداستىرۋ ءۇشىن شەتەلدىكتىڭ ءبىر مەكەمەگە بارۋى نەمەسە ىشكى ىستەر ورگاندارىنا تىكەلەي جۇگىنۋدىڭ قاجەتى جوق. شەتەلدىكتەردى قابىلداۋ تۋرالى اقپاراتتاندىرۋ جونىندەگى مىندەتتەر ءبىزدىڭ زاڭنامامەن قابىلداۋشى تۇلعالارعا (قر ازاماتتارىنا) جۇكتەلگەن. شەتەلدىكتىڭ ولارعا كەلگەنى تۋرالى حابارلاما ءۇش كۇن مەرزىمدە بەرىلۋى قاجەت. ونى eQonaq ءموبيلدى قوسىمشاسى, eGov سايتى ارقىلى نەمەسە كوشى-قون قىزمەتى ارقىلى وڭاي ىستەۋگە بولادى», دەلىنگەن جەتىسۋ وبلىسى پد كققب حابارلاماسىندا.
