جاڭادان كاسىپ اشقان, نە بايىرعى كاسىبىن كەڭەيتكىسى كەلگەن ەل ازاماتتارى ەندى بۇل ماقساتتارى ءۇشىن نەسيە رەسىمدەي الادى. اسىرەسە ءسۇت-تاۋارلىق فەرمالارىنا (400 باستان باستالادى), ەت وندىرەتىن قۇس فابريكالارىنا (جىلىنا 5 مىڭ توننا قۇس ەتى), كوكونىس ساقتاۋعا (1000 توننادان باستاپ), سونداي-اق زاماناۋي سۋ ۇنەمدەيتىن تەحنولوگيالاردى پايدالاناتىن سۋارمالى ەگىنشىلىككە (كارتوپ, كوكونىس, مال ازىعى) ايرىقشا باسىمدىق بەرىلەدى.
قارجىلاندىرۋ رەسپۋبليكالىق نەمەسە جەرگىلىكتى بيۋدجەت ەسەبىنەن جۇزەگە اسىرىلادى. جوباعا سايكەس, جەرگىلىكتى اتقارۋشى ورگان 10 جىلعا جىلدىق 0,1 پايىزدىق سىياقى مولشەرلەمەسىمەن نەسيە ۇسىنادى. نەگىزگى قارىزدى وتەيتىن جەڭىلدىك كەزەڭى 24 ايدان اسپايدى. بيۋدجەت نەسيەسىن يگەرۋ كەزەڭى – 12 اي.
مينيسترلىكتىڭ تۇسىندىرۋىنشە, اكىمدىكتەر فەرمەرلەرگە نەسيە بەرۋ ءۇشىن تەكسەرىلگەن اگەنتتەردى پايدالانادى. بۇل رەتتە نەسيە بەرۋ مەرزىمى 10 جىلدى قۇرايدى, ال ەڭ جوعارعى سوما – 5 ملرد تەڭگە. سىياقىنىڭ نومينالدى مولشەرلەمەسى جىلدىق 2,5 پايىزدان كوپ ەمەس. ەڭ باستى تالاپ – كەپىل م ۇلىكتىڭ بولۋى. ءوز قىزمەتى ءۇشىن اگەنت قانداي دا ءبىر كوميسسيا, جارنا نەمەسە باسقالاي تولەم تالاپ ەتپەيدى.
كرەديتتەۋ باعدارلاماسىنا قاتىسۋشىلاردى ىرىكتەۋ ءۇشىن باستى كريتەري – يمپورتتى الماستىرۋدى ەسكەرە وتىرىپ ءوڭىر حالقىن ساپالى جانە قولجەتىمدى ازىق-ت ۇلىكپەن قامتاماسىز ەتۋ, ۋاقىتشا جانە تۇراقتى جۇمىس ورىندارىن قۇرۋ, اۋىل حالقىنىڭ تابىسىن ارتتىرۋ شەڭبەرىندە جوبالارمەن ىنتىماقتاستىق جانە كووپەراتسيا بولماق.
سونىمەن بىرگە الەۋەتتى قارىز الۋشى ءوندىرىس نەمەسە اۋىل شارۋاشىلىعى ونىمدەرىن وڭدەۋ سالاسىندا 5 جىلدان كەم ەمەس ۋاقىت جۇمىس ىستەگەن بولۋعا ءتيىس.
