وبلىس اكىمىنىڭ ورىنباسارى بالمەيىر سانسىزباي ۇلى كورمەنى ارالاپ, قاتىسۋشىلارمەن پىكىرلەستى. 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا اياسىندا بيىلدان باستاپ رەسپۋبليكا كولەمىندە «مەن – كاسىپكەر» جوباسى باستالدى. «ايەلدەر كاسىپكەرلىگىن دامىتۋ ورتالىعى», ء«بىر اۋىل – ءبىر ءونىم» جوباسى جانە شاعىن جانە ورتا بيزنەس وكىلدەرىنىڭ كاسىپكەرلىك الەۋەتىن ارتتىرۋ ءۇشىن «كاسىپكە باعىت» اتتى سالالىق وقىتۋدى قامتيتىن باستاما وسىعان دەيىن جامبىل, باتىس قازاقستان, قوستاناي جانە ماڭعىستاۋ وبلىستارىندا قاناتقاقتى رەجىمدە ءساتتى جۇزەگە اسقان.
تاريحىنا تەرەڭدەسەك, وتكەن عاسىردا جاپونيادا باستالعان جوبانىڭ ماقساتى – اۋىل تۇرعىندارىنىڭ كاسىپكەرلىك الەۋەتىن ارتتىرۋ. قولدا بار جەرگىلىكتى شيكىزاتتى ىسكە جاراتىپ, ەلدى مەكەندەردە جۇمىس ورنىن اشىپ, اۋىل تۇرعىندارىنىڭ ءال-اۋقاتىن ارتتىرۋ.
«بۇل جوباعا تەك قىز-كەلىنشەكتەر عانا قاتىسا الادى. بۇگىنگى ءىس-شاراعا قاتىسۋشىلاردىڭ ونىمدەرىن ارنايى ساراپشى كوميسسيا قاراپ شىقتى. جەڭىمپازدار جاقىندا انىقتالادى. ولار جاڭاشىل بيزنەس-يدەيالارعا ارنالعان گرانتقا قاتىسا الادى. ال ءبىرىنشى ورىن يەگەرىنىڭ تاۋارلارىنا ارنايى ماماندار ماركەتينگتىك سۇيەمەلدەۋ جاسايدى», دەدى كاسىپكەرلەر پالاتاسىنىڭ ديرەكتورى پىرمۇحاممەد سىزدىقوۆ.
قىزىلوردا
