بيۋرو مالىمەتىنشە, قازاقستاندا استانا ەسىمدى 26 ادام تۇرادى, ونىڭ 18-ءى ەر, 8-ءى ايەل ادامدار. بۇل رەتتە ەلوردا قۇرمەتىنە 17 ادامعا استانا ەسىمى بەرىلگەن, قالعاندارىنا 1998 جىلعا دەيىن وسى ەسىم قويىلعان.
بالالارىنا «استانا» ءسوزى كەزدەسەتىن ەسىم قويعان قازاقستاندىقتار دا بار. بۇل قىزدار اراسىندا استاناي جانە ۇلدار اراسىندا استانالي, نۇراستانا سياقتى ەسىمدەر.
سونداي-اق ەلوردانىڭ باستى كورىكتى جەرلەرىنىڭ ءبىرى «بايتەرەك» مونۋمەنتى قۇرمەتىنە 41 ادامعا, قازاقشا «بايتەرەك» ترانسكريپتسياسىندا 31 ادامعا ەسىم بەرىلگەن.
6 شىلدەدە قازاقستاننىڭ استاناسى 25 جىلدىعىن اتاپ وتەدى. پرەزيدەنتتىڭ 1997 جىلعى 20 قازانداعى جارلىعىنا سايكەس 1997 جىلعى 10 جەلتوقساننان باستاپ قازىرگى استانا - بۇرىنعى اقمولا ەلوردا بولىپ جاريالاندى. قازاقستاننىڭ جاڭا استاناسىنىڭ رەسمي تۇساۋكەسەرى 1998 جىلدىڭ 10 ماۋسىمىندا ءوتتى.
