الپىس التى جاستاعى ناۋقاستىڭ باس اۋرۋى جيىلەپ, سوڭعى جىلدارى اۋرۋ سالدارىنان ەسىن جوعالتىپ, تالىپ قالۋى قالىپتى جاعدايعا اينالىپ كەتكەن. مۇنى ناۋقاستىڭ جاقىندارى ەلەۋسىز قالدىرماي, دارىگەرلەردىڭ كومەگىنە جۇگىنەدى. ناۋقاستىڭ شاعىمدارى مەن جاعدايىن تەرەڭ زەرتتەپ, سيرەك كەزدەسەتىن دۇنيەجۇزىلىك «تاكاياسۋ» اۋرۋىن انىقتاعان قر ءپىب مو اۋرۋحاناسىنىڭ بىلىكتى دارىگەرلەرى الەمدىك تاجىريبەگە سۇيەنە وتىرىپ العاش رەت كۇردەلى وپەراتسيا جاساپ شىقتى.
تاكاياسۋ – اورتا قابىرعاسىندا قابىنۋ پروتسەسى باستالاتىن اۋرۋ. قابىنۋدىڭ سالدارىنان تىندەردە تىرتىق جانە بىرىسۋ پايدا بولادى. بۇل تامىرلاردىڭ بىتەلۋىنە اكەلىپ سوعادى. ناتيجەسىندە باسقا باراتىن قامتامىرلاردىڭ وتكىزگىشتىگى تومەندەيدى. ونى قالپىنا كەلتىرۋ ءۇشىن اشىق نەمەسە جابىق تۇردەگى وپەراتسيا جاساۋدىڭ الەمدىك تاجىريبەلەرى جەتەرلiك.
– بىزگە كەلگەن ناۋقاستىڭ ميعا باراتىن ەڭ نەگىزگى ەكى جاقتى ىشكى ۇيقى ارتەريالارى, سونىمەن قوسا ومىرتقالىق ارتەريالارى تولىق بىتەلىپ قالعان بولاتىن. باستاعى قانتامىرلار بۇعانا ارتەرياسىنان شىعاتىن مويىندىق بايلام تامىرىنان قورەكتەنىپ جۇرگەن. بۇل جەردە كارديوحيرۋگتەردىڭ دە ارالاسۋى قاجەت ەدى. سەبەبى جۇرەكتەن شىعاتىن اورتا تامىرىنا بلوگ ورناتۋ جوسپارلاندى. شەتەلدىك ارىپتەستەردىڭ تاجىريبەسىن زەرتتەي كەلە جانە وزىمىزدەگى زاماناۋي تەحنيكالىق مۇمكىندىكتى پايدالانا وتىرىپ كارديوحيرۋرگيا بولىمشەسىنىڭ مەڭگەرۋشىسى الىبەك تويباەۆپەن بىرلەسە العاش رەت «تاكاياسۋ» دياگنوزىنا وپەراتسيا جاساپ شىقتىق. «كەلىسىپ پىشكەن تون كەلتە بولماس» دەگەندەي, قازىر ناۋقاستىڭ جاعدايى جاقسى, باستاعى اۋىرسىنۋلار تارقاعان, – دەيدى نەيروحيرۋرگ دارىگەر يسلامبەك مۇسابەكوۆ.
تامىرلاردىڭ بىتەلۋى ءجيى كەزدەسەتىن اۋرۋ بولعانىمەن, ونى ەمدەۋ كۇردەلى پروتسەسس. ءساتتى جاسالعان وپەراتسيادان كەيىن نەيروحيرۋرگ پەن كارديوحيرۋرگ دارىگەرلەر كەلەسى ناۋقاستارعا كومەكتەسۋگە دايىن.
