«تەرەكتى اۋداندىق سوتىمەن «تەرەكتى-تازا سۋ» مەملەكەتتىك كاسىپورنىنىڭ لاۋازىمدى تۇلعالارىنا قاتىستى ۇكىم جاريالاندى. سوت ۇكىمىمەن كاسىپورىن ديرەكتورى 7,5 جىلعا جانە باس بۋحگالتەر 7 جىلعا باس بوستاندىعىنان ايىرىلدى. ەكەۋى دە وزىنە جانە ۇيىم قىزمەتكەرلەرىنە جالاقىنى ارتىق اۋدارۋ, سونداي-اق جەتكىزۋشىلەرگە ناقتى ورىندالماعان جۇمىستار ءۇشىن بيۋدجەت قاراجاتىن نەگىزسىز اۋدارۋ ارقىلى 162 ميلليون تەڭگە سوماسىندا بيۋدجەت قاراجاتىن جىمقىردى دەپ ايىپتالدى», دەلىنگەن حابارلامادا.
سوتتالعاندار ءومىر بويى مەملەكەتتىك قىزمەتتە, جەرگىلىكتى ءوزىن-ءوزى باسقارۋ ورگاندارىندا, قارجى ۇيىمدارىندا جانە كۆازيمەملەكەتتىك سەكتوردا لاۋازىمداردى اتقارۋ قۇقىعىنان ايىرىلدى.
سوت ۇكىمى زاڭدى كۇشىنە ەنگەن جوق.
