شاراعا وبلىس باس يمامى ەستاي ايتۋعان ۇلى ارنايى قاتىسىپ, بالالارعا ۇلىق مەرەكەنىڭ قادىر قاسيەتى جايلى ناسيحات ايتىپ, ءوزىنىڭ ىزگى تىلەگىن ءبىلدىردى.
مەشىت اۋلاسىندا وتكەن مەرەكەلىك باعدارلامادا ءارتۇرلى ويىندار ويناتىلىپ, 800 بالاعا ويىنشىقتار مەن بالمۇزداقتار تاراتىلدى. سونداي-اق ءارتۇرلى جانۋاردىڭ كيىمىن كيگەن انيماتورلار ويىن-ساۋىق كورسەتىپ, بالالارعا قۋانىش سىيلادى.
بۇلدىرشىندەر اراسىندا ۆيكتورينالىق سۇراق-جاۋاپ وتكىزىلىپ, دۇرىس جاۋاپ بەرگەندەرگە سىيلىقتار بەرىلدى. مەشىت اۋلاسىنا تىگىلگەن قازاقى كيىز ۇيدە ارنايى اس ازىرلەنىپ, بۇلدىرشىندەرگە ىستىق اس ۇلەستىرىلدى. وسىلايشا, قاراعاندى شاھارىنىڭ بۇلدىرشىندەرى ۇلى مەيرام – قۇربان ايتتى ۇلىقتادى.
ايتا كەتەيىك, يگى شارا قاراعاندى وبلىستىق «انەت بابا» مەشىتىنىڭ, «ياسين» قىزدار ورتالىعى مەن «نۇرلى ءبىلىم» قوعامدىق بىرلەستىگىنىڭ جانە جەرگىلىكتى دەمەۋشىلەردىڭ بىرلەسە ۇيىمداستىرۋىمەن جۇزەگە استى.
