جارىستىڭ اشىلۋ سالتاناتىندا قالا اكىمى اسىلبەك شامەنوۆ جۋرناليستەردى كاسىبي مەرەكەمەن قۇتتىقتاپ, سايىسقا قاتىسۋشىلارعا ساتتىلىك تىلەدى. قاتارىنان ەكىنشى جىل وتكىزىلىپ وتىرعان ءتۋرنيردىڭ توپتىق كەزەڭىنەن سۇرىنبەي وتكەن «قازمەديا», «Qaz365.kz», «اتىراۋ», «شىمكەنت» كوماندالارى جارتىلاي فينالعا شىقتى. فينالدا «Qaz365.kz» كومانداسىن ۇتقان «قازمەديا» جىگىتتەرى رەسپۋبليكالىق ءتۋرنيردىڭ چەمپيونى اتانىپ, 1 000 000 تەڭگە قارجىلاي سىيلىققا يە بولدى. ەكىنشى ورىن العان «Qaz365.kz» 700 مىڭ, قولا جۇلدەگەر – «اتىراۋ» 350 مىڭ تەڭگە يەلەندى.
ءتۋرنيردىڭ «ۇزدىك ويىنشىسى» اتالىمىن 6 گول سالعان اتىراۋلىق قايسار جەتپىسباي السا, جەرگىلىكتى «قوعام تۆ» كومانداسىنىڭ ويىنشىسى ەرجان باتىرشاەۆ «ۇزدىك شابۋىلشى» دەپ تانىلدى. ال «شىمكەنت» كومانداسىنىڭ ويىنشىسى ايبەك قابىلشا «ۇزدىك قاقپاشى», تۇركىستاندىق ارىپتەسىمىز سامات سۇلەي «ۇزدىك قورعاۋشى» اتاندى.
قىزىلوردا
